影片
更多
2012-06-08
8858 浏览
今次有幸黎「饭堂」食饭，全因为有两位高我两级o既长辈邀请，想屋企人一齐食餐晚饭聚一聚。「饭堂」个门口唔系好明显，木造o既门口深色唔起眼，楼上所有玻璃又有厚布隔住，冇人讲真系唔知𠮶度有间共两层高o既餐馆。「饭堂」室内都好西化，楼梯设计系一个好例子。 当晚我地人多，被安排到楼上最大间房入面。大房宽敞阔落，有电视睇，冷气又足，重有一个全自动化o既私人洗手间，好舒服。因为长辈们都系酒客，所以主人家一早叫伙计安排酒杯。餐厅所用o既酒杯全部都系方形设计，几独特；不过在场o既红酒粉丝就不甚欣赏，话方形酒杯不及传统弧形酒杯；小肥对酒唔多熟识，何况系酒杯？！所以唔敢比意见。 当晚礼宾式o既招呼已经讲明主人家系常帮衬o既熟客。负责我地间房𠮶位哥哥仔好落力，态度友善诚恳，绝不马虎；连经理Mark哥都好多时亲力亲为，真系好有face！成餐晚饭最令人难忘就系多款小碟，如姨丈所言，如果我地成晚只系食小碟，都已经好满足，同好够惊喜。 皮蛋青瓜：青瓜点醋食，劲酸！用醋黎做皮蛋汁，心谂咪仲唔夹？！不过食落就明白到皮蛋点醋食，效果就系唔会食到咁滞，个配搭亦唔系太差，所以XO仔一个人食左两只皮蛋。 酱萝卜皮：萝卜皮经腌制过
当晚我地人多，被安排到楼上最大间房入面。大房宽敞阔落，有电视睇，冷气又足，重有一个全自动化o既私人洗手间，好舒服。因为长辈们都系酒客，所以主人家一早叫伙计安排酒杯。餐厅所用o既酒杯全部都系方形设计，几独特；不过在场o既红酒粉丝就不甚欣赏，话方形酒杯不及传统弧形酒杯；小肥对酒唔多熟识，何况系酒杯？！所以唔敢比意见。
当晚礼宾式o既招呼已经讲明主人家系常帮衬o既熟客。负责我地间房𠮶位哥哥仔好落力，态度友善诚恳，绝不马虎；连经理Mark哥都好多时亲力亲为，真系好有face！成餐晚饭最令人难忘就系多款小碟，如姨丈所言，如果我地成晚只系食小碟，都已经好满足，同好够惊喜。
皮蛋青瓜：青瓜点醋食，劲酸！用醋黎做皮蛋汁，心谂咪仲唔夹？！不过食落就明白到皮蛋点醋食，效果就系唔会食到咁滞，个配搭亦唔系太差，所以XO仔一个人食左两只皮蛋。 酱萝卜皮：萝卜皮经腌制过，非常爽脆多汁野味。
雪菜毛豆素鸡：煮得唔会太油，口感好似年糕咁，烟烟韧韧。用雪菜黎调味，斋得黎唔会咁寡，做得算好唔错。香芧排骨：热辣辣，肉质爽口，排骨又唔会油淋淋，送酒佳品。
惊喜推介之烧云腿：第一眼望落去仲以为系中式饼干，点知入口先知道系云腿。烧云腿貌似饼干，亦似三文治，做得非常干身，虽然表面唔系好平滑，不过胜在超级薄身轻巧，所以小肥唔系好抗拒，更乐意试食。云腿薄脆香口，味道香浓，咸中带甜，两种味道好均匀，完全唔会互抢，好精彩！Mark哥话做法好简单，先为云腿涂上蛋浆，加少量生粉，炸完之后再慢烘，咁就得左。
创意推介之千层脆皮豆腐：师傅张豆腐切成一层层薄片，每层间分别加入咸蛋蓉，苋菜蓉同腿蓉，然后炸成一件件黄金砖；外表看似简单，其实内有干坤，非常有心思。
黄金皮脆卜卜，好香口，咬落豆腐同时间有多种不同口感同味道，香脆嫩滑松化集于一身，妙极妙极！
游水苏眉：据爸爸所讲，蒸苏眉其实唔系好讲技巧，只要条鱼新鲜，好难会出现问题。当晚条苏眉来自菲律宾，正当我地欣赏紧多款小食时，Mark哥攞左个透明袋黎，证明入面条鱼重游紧水，更指明苏眉要好似𠮶条咁白身先叫靓。
滑蛋苏眉碎：Mark哥提议叫厨房帮我地起埋食剩o既苏眉鱼肉，以滑蛋炒制。鱼肉嫩滑依然，滑蛋加添香口，哗，正呀！
脆皮牛腩：牛腩半肥瘦，轻轻炸过，所以干脆中见腍，配上带甜o既酱汁，成个组合好新颖，平时唔系好食牛腩o既小肥都食左三件，真系唔讲得笑。
杭椒鱼胶：杭椒爽脆，有辣有唔辣。鱼胶口感似花胶，有赵头。和味粉丝煲：用煲上，够热又唔黐底，粉丝烟韧入味，而且好够干身。
杏汁炖猪肺汤：猪肺汤浓郁香滑，好够火候，完全唔觉有味精，最重要系唔会有杏粉嚡住个口或黐住个喉咙，证明杏汁有隔过渣。猪肺嫩口腍滑，非常白雪雪，洗得好干净，食落口都觉得健康D。
柚皮扣鹅掌：大大只鹅掌同柚柀都好够腍滑，芡汁个味亦调得唔错。翡翠扣津胆：津胆清甜，胜瓜亦冇泥味，两者都煮得够腍。
烟熏鸡：XO本身唔系好钟意烟熏𠮶阵味，所以就算个鸡做得几嫩都唔能够取悦倒我。
围虾鱼汤泡饭：用瓦煲上，一边滚一边分，埋到位都重好够热。好欣赏哥哥仔帮我地分o既时候，最后𠮶一刻先续碗加入脆卜卜o既饭粒，上枱时重听倒「时时」声。围虾爽甜，鱼汤又够香浓，口感同味道都咁一流！
香滑芝麻糕：味道清淡，OK滑，小肥嫌佢唔够芝麻味。流沙奶皇包：如相所见，唔系好够流沙；因为实在太期待，所以特别失望。
晚餐以一连串创意小碟作序，成功挑逗食客o既味蕾，充满惊喜。中段o既汤，以及几碟大𩠌亦不负所望，显示出师傅o既厨艺。可惜，最后平庸o既甜品因不够突出同水准，令晚宴衰收尾。当晚系两位长长辈请客，所以唔好意思问价钱。不过，同桌o既表姐同表姐夫之后自己再黎过，重复叫左好多相同菜式，减左条鱼同鹅掌，埋单都要成一千蚊一位，听到之后我真系愕左然，似乎我地𠮶餐饭冇五位数字都唔落得楼，听倒都觉得肉痛。
张贴
