影片
更多
2019-08-14
99 浏览
最近迷上北京片皮鴨，上網搵到黎自北京嘅羲和雅苑呢間餐廳。見到網上評價唔錯，今日特地同朋友黎體驗下～羲和雅苑位於海港城高級餐廳區，環境裝修都相當高級，仲有海景，絕對值五星。叫左一壺普洱，飲落香醇又暖胃，為接踵而來嘅美食做好準備。首先係招牌片皮烤鴨。師傅係我地面前展示精湛嘅刀工，同時侍應奉上百寶盒，再耐心詳細咁介紹三種食法：1) 鴨皮加爆炸糖，配以藍莓醬相當有創意嘅食法，鴨皮油脂嘅香膩配上清新藍莓醬，夾得啱啱好，爆炸糖令口感更加豐富2) 鴨胸肉配黃芥末鴨胸肉比平時食到嘅更嫩，黃芥末嘅辛辣恰好同皮下脂肪相輔相成，烤鴨版嘅燒腩仔風味3) 鴨腿肉薄餅包有兩種食法，配甜麵醬、京蔥、青瓜，經典包片皮鴨口味，正係我想要的；或配、洋蔥、山楂條、藍莓醬，酸甜平衡得相當好，風味獨特，有驚喜！避風塘脆皮豬手同德國豬手風味截然不同，唔會太重鹹味，避風塘調味料帶黎濃厚香氣同少少辛辣，相當適合中和豬手嘅肥膩感。金磚豆腐塊入口香脆，一咬開裡面嘅豆腐好似流心涵咁湧出，熱辣辣咁食口感一流。金沙鮮魷魚適合比較鍾意口味重少少嘅你，酥脆黃金鹹蛋黃皮香脆濃郁，鮮魷魚相當新鮮，爽口彈牙，為口感添上更多層次，推薦！燒汁芥末和牛粒炒得
羲和雅苑位於海港城高級餐廳區，環境裝修都相當高級，仲有海景，絕對值五星。叫左一壺普洱，飲落香醇又暖胃，為接踵而來嘅美食做好準備。
首先係招牌片皮烤鴨。
師傅係我地面前展示精湛嘅刀工，同時侍應奉上百寶盒，再耐心詳細咁介紹三種食法：
1) 鴨皮加爆炸糖，配以藍莓醬
相當有創意嘅食法，鴨皮油脂嘅香膩配上清新藍莓醬，夾得啱啱好，爆炸糖令口感更加豐富
2) 鴨胸肉配黃芥末
鴨胸肉比平時食到嘅更嫩，黃芥末嘅辛辣恰好同皮下脂肪相輔相成，烤鴨版嘅燒腩仔風味
3) 鴨腿肉薄餅包
有兩種食法，配甜麵醬、京蔥、青瓜，經典包片皮鴨口味，正係我想要的；
或配、洋蔥、山楂條、藍莓醬，酸甜平衡得相當好，風味獨特，有驚喜！
避風塘脆皮豬手同德國豬手風味截然不同，唔會太重鹹味，避風塘調味料帶黎濃厚香氣同少少辛辣，相當適合中和豬手嘅肥膩感。
金磚豆腐塊入口香脆，一咬開裡面嘅豆腐好似流心涵咁湧出，熱辣辣咁食口感一流。
金沙鮮魷魚適合比較鍾意口味重少少嘅你，酥脆黃金鹹蛋黃皮香脆濃郁，鮮魷魚相當新鮮，爽口彈牙，為口感添上更多層次，推薦！
燒汁芥末和牛粒炒得好香好入味，淡淡嘅芥末味配上濃厚燒汁，完整咁襯托出和牛鮮牛味，調味細節做得好考究嘅一道菜。
梅菜干煸四季豆好有四川風味，重鹹再加適中辣度，過癮！
濃湯餃子皮薄而不易破，內涵份量多，汁更多，湯汁源源不絕咁從破口流出，啖啖肉配上濃湯。水平之高，可以話被低估嘅一道菜。
可惜食太飽試唔到呢度Ｄ糖水，下次有機會絕對要再戰！
张贴
