前家樂餐廳火鍋店 (已結業)

今次嚟到前家樂搵食！店名太有趣嘅關係～忍唔住問店主名字嘅由來。店主希望能夠達成《前衞》～可以帶領雞煲，火鍋嘅潮流。巜家庭》～希望大家有家的感覺。《快樂》～嚟食嘅人得到快樂。果然係小店嘅感覺！鮮甜椰子雞煲(半隻) $158朋友仔唔食辣嘅關係～從來都冇食過雞煲～見到餐牌上有唔辣嘅椰子雞煲～立即決定要試一試！雞煲上枱煲咗一陣出咗好多雞油～原來係因為此店用三黃雞～比較肥美肉嫰所以油都比較多～之後我哋片走咗啲油就試一口～個雞同椰子超夾！不自覺飲完一啖又一啖！椰子非常鮮甜～雞都好嫩好滑～仲有雞味～可吃得出佢嘅新鮮。雞煲後就係打邊爐時間～呢度都有唔少餸揀～脆炸響鈴（$38）份量不少～夠脆～要浸2次先會變腍！索咗椰子雞湯後好好味！！雙拼滑（$98）左邊係蝦滑～好香蝦味～有少少蝦肉，彈牙！右邊係墨魚滑～比較鹹～但墨魚味濃～好味道！芝士竹輪（$48）嚟朝聖前睇過大家話必食芝士竹輪～所以我哋當然有叫！一食就知道大家點解推薦了！一咬落去流心芝士就流出～濃郁嘅芝士令人胃口大開～真想1個人食哂5粒！！冬瓜片小份 （$20）平時食沙嗲湯底都會叫冬瓜～原來同椰子湯都咁好味！冬瓜清甜～可以減低火鍋嘅熱氣！蟹籽包小份（$