莉萊餐廳 (已結業)

一份早餐的價錢可直達三十大元, 我諗老闆的自信心也很大。 早餐如果配牛奶麥皮就不可以再配咖啡或茶, 咁嘅規則但係依然客似雲來, 就真係唔到我唔服, 可想而知食物質數是非比尋常。

鋪頭係細間, 卡座的椅子與枱相距較窄, 就好似我呢種巨無霸就會坐得無咁舒服。 周圍清潔乾淨, 我見厨房及水吧重地都好白雪雪呀！

牛角包很鬆軟而且輕漂漂嘅感覺。 我要嘅係推廣早餐所以$24, 喺度算便宜。 煙豬脾煎双蛋配鮮奶麥皮, 煙豬脾有3大片, 鹹鹹香香, 有肥膏也有瘦肉。 煎双蛋喺兩隻一齊煎, 好功夫但係蛋唔夠蛋香, 淡淡的就比較可惜。 牛奶麥皮用純鮮奶煲麥皮, 所以膠質重, 食完覺得好嫩滑:)

石班拼煎双蛋, 魚肉味鮮香, 一碟有3件, 睇到石班肉肉質纖維緊密, 絕非偷工減料。奶茶茶香奶滑, 落包半糖甜味剛剛好。