Lockeroom Dining (朗晴坊) (已結業)

相信普遍係九龍區或者新界區居住嘅朋友仔係中學時期都會相約去過唔同嘅旺角樓上咖啡室，長大後大家心入面應該只會有一個感覺，就係伏🤦‍♀️因為試過伏所以會驚，事隔多年，今日畀朋友點咗呢一間樓上咖啡室，前無去路，後有追兵，唯有硬食。。。.相信唔少人都聽過朗晴坊，其實佢喺朗豪坊隔離一棟好隱閉嘅舊式大廈，連部電梯都殘過人🤦‍♀️坐完老爺電梯上去，搭入餐廳門口，成個感覺唔同曬🌟 佢嘅內部裝修確實花過心思，家具都想盡量顯得好華麗，牆上掛住有球星簽名嘅球衣，門外亦都放咗守龍門嘅手套，感覺就已經知道同球場有關😁.上得嚟樓上咖啡室，其實只係想搵個安靜嘅地方又唔限時咁坐好耐，至於食物，其實一早打定輸數。同朋友叫咗羊同埋三文魚，佢係晚市套餐，包沙律、餐湯加飲品；食物上菜速度快，但係都會按住客人嘅節奏上桌，唔會放涼，值得一讚👍.前菜：沙律、餐湯、蒜蓉包都有驚喜🌞用特別嘅器皿裝住，顯得格外高貴；自家製嘅蒜蓉醬搽上烘到微溫嘅法包，香濃嘅蒜蓉令人愛不釋手；餐湯新鮮得食得出用料十足，飲完一啲都唔口渴😁.主菜嘅三文魚煎到外皮卜卜脆，魚肉又唔會煎過老，保留住佢原本嘅肉汁；羊肉唔會蘇，亦都唔會過dry；兩款主菜嘅配菜都係一啲烤茄子