影片
更多
2023-02-25
2823 浏览
同朋友傾開偈，先驚覺自己仲未試過呢間多重放題店。以往幫襯燒肉+火鍋嘅放題店，質素都唔會太好，但今次試校長燒肉嘅荃灣店令我有啲改觀，性價比的確幾唔錯。以250左右人均價錢而言，自問期望值唔大。點知地方闊落之餘，檯櫈擺設仲有種韓式玩味感，仲設有大量巨型霓虹燈水牌方便食客「搵食」，指示都幾清晰。食放題重頭戲當然要數刺身，最抵讚係三文魚厚切又夠大塊，啖啖肉又唔霉。虎蝦都值得一試。另設壽司區，有時仲會轉吓款式，推薦鰻魚同腐皮壽司。燒肉同火鍋配料加埋真係花多眼亂，牛、雞、豬肉嘅選擇都好充足，有啲仲經韓式醃製，燒完已經好夠味。土匪雞翼、肥牛、黑椒牛柳粒、一口腸都係必食之選。估唔到食放題仲有點心選擇，有興趣嘅朋友都可以一試，今次因為太飽就試唔到。想開胃啲仲有沙律選擇。雜物區有唔少我嘅熱愛款，例如有麥樂雞、炸雞、章魚燒、薯角等。每款都處理得唔錯同夠入味，唔會過燶，保溫亦做得幾好。燒肉燒到咁上下，就拎埋個細鍋試埋火鍋。可以同時進行燒烤同火鍋真係好方便。今次揀咗壽喜燒同豬骨湯底，肥牛配壽喜燒湯底真係好入味。甜品除咗有啫喱、奶凍、雪糕筒、雪條之外，亦設有朱古力扭紋雪糕機，食落冰感較重。最過癮係可以加可樂糖、

以250左右人均價錢而言，自問期望值唔大。點知地方闊落之餘，檯櫈擺設仲有種韓式玩味感，仲設有大量巨型霓虹燈水牌方便食客「搵食」，指示都幾清晰。
食放題重頭戲當然要數刺身，最抵讚係三文魚厚切又夠大塊，啖啖肉又唔霉。虎蝦都值得一試。
另設壽司區，有時仲會轉吓款式，推薦鰻魚同腐皮壽司。
燒肉同火鍋配料加埋真係花多眼亂，牛、雞、豬肉嘅選擇都好充足，有啲仲經韓式醃製，燒完已經好夠味。土匪雞翼、肥牛、黑椒牛柳粒、一口腸都係必食之選。
估唔到食放題仲有點心選擇，有興趣嘅朋友都可以一試，今次因為太飽就試唔到。想開胃啲仲有沙律選擇。
雜物區有唔少我嘅熱愛款，例如有麥樂雞、炸雞、章魚燒、薯角等。每款都處理得唔錯同夠入味，唔會過燶，保溫亦做得幾好。
燒肉燒到咁上下，就拎埋個細鍋試埋火鍋。可以同時進行燒烤同火鍋真係好方便。今次揀咗壽喜燒同豬骨湯底，肥牛配壽喜燒湯底真係好入味。
甜品除咗有啫喱、奶凍、雪糕筒、雪條之外，亦設有朱古力扭紋雪糕機，食落冰感較重。最過癮係可以加可樂糖、漢堡包糖、朱古力豆等配料。
飲品種類都幾多，呢到嘅忌廉鮮奶唔係大路見開嘅牌子，但個人認為都一樣好飲。另外原來仲有勁多養生花茶選擇，消滯一流。
张贴
