德美壽司 (新都城中心1期) (已結業)

今日放假一天，去左將軍澳玩，晚飯係將軍澳呢間德美壽司食。呢度晚市都有定食餐牌，有生有熟食。主餐牌有薄切刺身，空運直送刺身，其他刺身，壽司，卷物，手卷，丼物，沙律，漬物珍味，前菜，揚物，天婦羅，燒物，串燒，一品料理，鍋物，飯麵等等。下午茶食得晏，晚飯時間仲飽飽哋，今次只係叫左兩款刺身同一款壽司分享。今次坐喺壽司吧，正呀，直頭係睇住師傅整我哋啲野食。油甘魚刺身 $95 另加一油甘魚刺身一客五塊，好厚切，仲有黃色花瓣點綴。食落魚油豐富，好鮮甜。北海道大甜蝦刺身 $90 另加一北海道大甜蝦刺身一客五隻，睇住師傅即刻幫我哋剝殼。食落又爽脆又鮮甜，蝦頭仲有汁。鰻魚壽司 $39 另加一鰻魚壽司一客兩件。鰻魚上面灑上白芝麻粒，壽司飯有火炙香，如果鰻魚熱啲就更好。食完仲有甜品送，係抹茶粉蕨餅，質素可以啦。落單用QR code，裝修好日式，坐得都舒服。特別欣賞d餐具好精緻，令人賞心悦目。