影片
更多
2017-09-12
21004 浏览
自從上次食左個失望既放題之後，一直對放題既渴望有增無減😣，幾經辛苦先可以氹到朋友陪我食!!😁今次終於可以滿足到我啦😎一早book左枱，黎到安排坐卡位；地方寬敞坐得舒服；👍呢度仲有自助沙律吧、前菜小食、乳酪雪糕、同多款飲品，但缺點係無熱茶供應，只有熱水，想消消滯同暖下個胃都無得揀…👎小食:辣味炸薯角 – 我同朋友都係薯怪，又點會放過呢個小食先得架。薯角外脆內軟，雖然味道平凡又唔辣，但可以滿足對薯既渴望😜小丸子 – 入面粉漿太多，無椰菜絲係入面，而且只得一粒八爪魚粒，可以唔駛試酸辣鳳爪 – 呢個入味，連個爪入面都有味；好夠酸，食完個胃醒哂🤓辣酒煮花螺 – 螺肉大大粒，唔會太辣，又無沙，唔錯😍其實仲有好多前菜小食，例如螺肉、八爪魚、麻醬豆腐、紅酒炆牛尾、凍蝦、青口、小葡撻等等…刺身大部分我都有試，每款都唔錯且新鮮，好食到叫左兩round!!! 😋😍最開心係單單刺身蝦都已經有四款選擇👍😀(仲有一款泰蝦)，蝦既種類係我食過咁多間放題入邊最多!!虎蝦刺身 – 大隻彈牙唔黏口，呢個真係要試；劍魚腩 – 肥美無筋；珍寶大赤蝦 – 係大隻版甜蝦，啖啖肉；三文魚 – 唔夠肥；壽司平時食放題真係十級少食壽司
今次終於可以滿足到我啦😎
一早book左枱，黎到安排坐卡位；地方寬敞坐得舒服；👍呢度仲有自助沙律吧、前菜小食、乳酪雪糕、同多款飲品，但缺點係無熱茶供應，只有熱水，想消消滯同暖下個胃都無得揀…👎
小食:
辣味炸薯角 – 我同朋友都係薯怪，又點會放過呢個小食先得架。薯角外脆內軟，雖然味道平凡又唔辣，但可以滿足對薯既渴望😜
小丸子 – 入面粉漿太多，無椰菜絲係入面，而且只得一粒八爪魚粒，可以唔駛試
酸辣鳳爪 – 呢個入味，連個爪入面都有味；好夠酸，食完個胃醒哂🤓
辣酒煮花螺 – 螺肉大大粒，唔會太辣，又無沙，唔錯😍
其實仲有好多前菜小食，例如螺肉、八爪魚、麻醬豆腐、紅酒炆牛尾、凍蝦、青口、小葡撻等等…
刺身
115 浏览
0 赞好
0 留言
大部分我都有試，每款都唔錯且新鮮，好食到叫左兩round!!! 😋😍最開心係單單刺身蝦都已經有四款選擇👍😀(仲有一款泰蝦)，蝦既種類係我食過咁多間放題入邊最多!!
虎蝦刺身 – 大隻彈牙唔黏口，呢個真係要試；劍魚腩 – 肥美無筋；珍寶大赤蝦 – 係大隻版甜蝦，啖啖肉；三文魚 – 唔夠肥；
壽司
平時食放題真係十級少食壽司，但見某D款之前有人介紹過，就即管試少少啦。但認真講，飯係細細粒，但刺身就太薄身，不試乜擺
火炙壽司
蒜香牛油燒牛肉 – 牛肉太乾身；
椒鹽左口邊 – 左口魚好滑，好香口；👍
蒜香牛油燒大赤蝦 – 起濃牛油香，但濃得制；
軍艦手卷
朋友點左香蔥拖羅蓉軍艦 – 個樣係赤身多過似拖羅🤐…朋友話食落無拖羅魚香；
海膽手卷 – 真係起迷你!! 😯朋友兩啖食哂；佢話海膽香，但紫菜淋哂；
創作料理
只係試左香蔥鵝肝帶子同芝士饅魚玉子燒，前者鵝肝算大粒，不過唔夠油香，食落無乜味；後者芝士味完全欠缺，饅魚汁加玉子甜上加甜，個人覺得麻麻
串燒
鹽燒牛舌 – 呢個唔錯，燒得好香，唔乾唔韌唔會太鹹，又有牛香，呢個真係要試😍👍👍
醬燒牛肋串 – 呢個肥到有D似腩肉，但好淋身無牛味，只有醬既甜味
燒有機日本蕃薯仔 – 蕃薯仔唔甜，味道奇怪，食左一粒就放棄佢
燒物
鹽燒鯖花魚 – 魚皮都燒到好脆，肉實淨，加少許檸汁更好
醬燒比目魚 – 比目魚好滑好滑，但個汁唔好食，個味係港式臘腸味😣
黃金焗帆立貝 – 原來係沙律醬焗，醬太多好溜😩，帆立貝算大粒
燒紐西蘭香草羊鞍 – 雖然佢好淋好多汁，但真係騷得制.. 如果你中意食重羊騷味既野，呢個就岩啦；
蒲燒鰻魚 – 無乜骨，OK啦
炸物
吉列炸蠔 – 雖然蠔Juicy，但太厚粉
芝麻雞翼 – 雞皮炸到好脆，但入面仍然有雞汁，肉又滑，真心覺得正!!👍😍
紫心香芋丸 – 唔算太甜，但略嫌內函少左D
呢度既炸物款式比較少，芝士年糕都無，有D失望…😢
天婦羅
第一張order單漏左，要落第二次先到；天婦羅既問題係粉漿太厚，基本上每款半件起一件止..👎
一品料理
黃金咖哩炒蟹 – 偏甜既咖哩，唔算錯但又稱唔上好；蟹肉已經煮到好淋偏霉爛，影響口感
鐵板蒜片牛柳粒 – 呢個趁熱食!! 牛柳唔會太肥又軟身，唔錯👍
黑松露炒什菌 – 每片菇都佈滿黑松露!! 好濃好好味😋😋
主食
144 浏览
0 赞好
0 留言
清酒煮大蜆 – 蜆肉真係幾大粒，又無沙，正😀。連個清酒都煮得唔錯，唔會有酒既苦澀味
食完主菜到最後梗係要食甜品架啦!! 出邊有個甜品櫃，入面有少許既cake，但無一件入得口；芝士蛋糕個芝士味好怪；件夾餅無味又淋；綠茶果個好d，有綠茶味，不過入面太多cream乳酪雪糕有好多topping可以揀，本身唔中意食馬卡龍，只係用黎裝飾；原味乳酪雪糕比朱古力好食。另外仲有雀巢雪糕同阿波蘿雪條、乳酪、生果
總結，有沙律吧，想健康d食菜既人又多一個選擇；👍每個範疇都有好有唔好，最好係刺身類，款多又新鮮😍；但炸物天婦羅等質素麻麻且款式少，呢個有待改進🙁。職員上菜快，清碟都好快，仲會叫我地夾埋d食物清走個碟...🤢
可以一試，但係由於除刺身外，其他方面唔太有驚喜，所以試一次就夠，除非有其他Promotion.
张贴
