極尚大瀛喜日本料理

营业中

休息中

餐廳可手機落單，另外可以到出面攞飲品，甜品和某些熱盤。手機落單的menu選擇超多，令人花多眼亂。有13款刺身任你叫！極力推薦挪威三文魚刺身同帶子，三文魚厚切同油脂比例足！帶子夠鮮嫩，入口鮮味足！全部刺身都很新鮮，而且上枱速度夠快又吸眼睛。壽司和手卷每件都是細細件，可以試到不同款式！極力推薦鹽燒三文魚腩同鰻魚壽司，三文魚腩燒出魚油，加上鹽燒，帶出魚香！鰻魚醬汁完全夠味！手卷就緊係迷你海膽手卷吧，細細卷一口食到海膽的鮮味，值得encore。必點蒜蓉開邊蝦同扇貝，絕對是回本之作。西京燒銀鱈魚，魚肉扎實又多魚油，好好味！而榴槤炸彈同新鮮炸起，入面有榴槤蓉，外皮脆卜卜，不會太甜，值得一試。芝麻雞翼也有驚喜，多汁入味，炸到好香脆。仲有其他你想都想唔到的菜式，京蔥拖羅蓉塔、極尚璣煮凍鮑魚、吉品鮑汁扣花膠、 金牌紅燒乳鴿皇...........樣樣都有水準！外面熱食極力推薦麻辣雞腎同豬脷，少麻少辣，十分開胃！ 仲有個蟲草花雞湯，夠足料！飲品區、甜品區、糖果區、雪糕區， 任均選擇。今餐食得超滿足，放題什麼款式都有，而且味道達標，岩晒不同需求的人。而且上菜快，不會拖單，侍應收碟又快，又有禮貌。