極尚大瀛喜日本料理

星期六中午同朋友係銅鑼灣諗唔到食咩好，兩個人想食日本菜，就揀左食放題。極尚大瀛喜呢間放題店之前我地食過佢其他分店既晚餐，感覺唔錯，今次一於食多次！

點菜唔洗用紙（其實好浪費紙張）,而係scan佢個qr code去點菜，上菜時間都好快。

食物選擇就唔算最多，但佢既出品係每一樣野食都係比較美味。好多放題店有太多選擇，除左日本菜，泰菜港式熟食一大堆，可惜味道永遠強差人意。

我地叫左都係d standard野：刺身，串燒，壽司。

叫左十條甜蝦刺身大大條食個夠。

特別一讚係右上角既花膠，冇諗過會係放題店食到花膠，仲冇諗到佢原來係大大塊，好味又足料。

今次呢個lunch放題我地都好滿意。