勝在食物有質素，價錢平民，性價比高！👍🏻
而「令和鍋物酒場」感覺係「令和居酒屋」嘅另一條line，
之前去過彌敦道嗰間，食物款式相約，
不過感覺「令和鍋物酒場」嘅食物做得更精緻，坐得也比較舒適～
不過去過咁多間「令和」，
小編就最鍾意❤️尖沙咀新開呢間～
餐廳內外都富有日本🇯🇵風情～
入座後，每枱都會送上一碟開胃小食—日式凍蕃茄，配上日式酸甜醬汁，好開胃！
「令和」嘅刺身一直都好抵食，每次黎都一定會食！
🌟推薦❗師傅發板（二人刺身）（$288）
刺身份量多又夠新鮮，
有中拖羅、油甘魚、三文魚、赤海蝦、粒貝、蜜柑鯛等，
雖然只係每款兩片，但斤量十足！
油甘魚、三文魚厚切肥美，
中拖羅油脂豐腴，
蜜柑鯛帶有淡淡橘香，
赤海蝦好大隻，蝦肉入口軟嫩又不失口感，
粒貝爽脆鮮甜！
同其他分店一樣，
呢度嘅串燒全部都係即叫即燒，保證新鮮！👍🏻
鹽燒牛舌（$48）
牛舌厚薄適中，口感爽彈，肉香十足！
A4和牛肋根串（$68）
看似平平無奇，內在卻筋肉相連，肉質鮮嫩有嚼勁。
柚子鹽黑豚肉串（$28）
肉質一啲都唔嚡，配上柚子鹽醬，香甜可口，幾夾！
薩摩赤雞肉串（$32）
日本三大名雞之一—鹿兒島薩摩赤雞，
雞隻飼養有嚴格要求，飼料都是崇尚天然。
食得出唔係普通嘅雞肉，
肉質嫩滑有彈性，脂肪少，味道香濃。
食串燒，梗係要飲杯酒襯托下～
同其他分店一樣，
一杯自家梅酒或一壼自家清酒都只係$38，
好抵飲！性價比高！
🌟推薦❗堂煮壽喜燒（$398）
壽喜燒係現場即席烹煮，
先上一碟日本🇯🇵A4和牛250g和野菜豆腐盤，
嘩，250g嘅牛肉足足有十塊之多！😍😍份量十足！
店員首先會親自為你烹調和牛，
之後亦都可以選擇自己煎自己玩～☺️
和牛肉香軟嫩，入口即溶～
牛肉真係好正，所以我地都有再追加一份100g，價錢$128都算合理，
食完和牛之後，就可以注入湯煮其他蔬菜啦！
我哋最後仲追加左一份稻庭烏冬（$28），
不過烏冬上枱前已經被煮熟，所以感覺有點太腍。
小編同小妹我超鍾意食年糕，所以一見到燒日本紅豆年糕二本（$38），就嗌左一人一份～😂
年糕係即叫即燒，煙煙韌韌，米香十足，
配上香甜紅豆，簡直係perfect match！🌟推薦❗
