豊勝手丼 (已結業)

星期日無無聊聊，約左朋友去銅鑼灣行街。行到咁上下肚餓，見到呢間豐勝手丼，見佢幾骨子，就試下佢先。入去坐低，d侍應幾好招呼，介紹左招牌海之幸丼俾我地，好似幾好食咁，就試下啦。上菜賣相一流，好似係日本食緊咁。加d豉油，起動！佢地d用料好新鮮，吞拿魚入口溶化滿口都係脂味。海膽大蝦果d都好甜好鮮。我朋友點左個北海道蟹丼，佢話d蟹肉夠甜，蟹膏又鮮又香，撈埋落d珍珠米到，真係食到停唔到口喎。聽師傅話所有原材料都係每日由世界各地新鮮運到啵，難怪咁好食啦。加埋兩枝日本汽水，埋單都係幾百，cp值都幾高。下次有機會想食丼飯真係會再來。