塚田食堂 (已結業)

今日喺將軍澳行街，順便食埋晚飯。六色刺身定食刺身好新鮮，刺身件件都好厚，好驚喜！三文魚肥美，油脂香味重又唔腥，好食！油甘魚肉身油分較重，入口即溶又鮮甜。吞拿魚質感較軟腍，滿口甘香，好味！蝦新鮮爽口彈牙，入口甘甜，真心唔錯。茶味雪糕盛盒茶味好濃郁，口感軟滑細緻，好味！加15蚊可享用飲品吧、沙律吧及甜品吧。飲品吧有紙包飲品、罐裝汽水、茶類、咖啡、果汁和特色飲品，種類選擇多。整體而言，食物質素幾好，性價比高。環境寬敞舒適，職員有禮，值得回頭光顧。