極尚大喜屋 (銅鑼灣廣場一期)

食過好多間放題，這間銅鑼店的放題店是我最喜歡的三甲店。我食放題都飲好多飲品，呢度好多揀，有我愛的錫蘭檸檬茶，還有雀巢檸檬茶、Coke 和道地飲品，原來還有特飲供應，那晚飲野都飲左7款。當晚的刺身三文魚、希靈魚、馬刀貝、甜蝦、拖羅青口、鮮鮑等通通有食，水準唔錯，好新鮮，以呢個價食到呢D刺身，係值的。那晚有款一品料理叫甚麼黃金蟹餅，好好食，因為蟹肉餅好鮮味，重有D鮮甜龍蝦汁伴著(還有蟹籽)，呢款Fusion 菜勝西餐呀！ 壽司都可以，咁新鮮不難吃，但燒物一定要食燒菠蘿，因為唔係咁多放題有得食，成本貴嘛，我食左好多轉，好正，又開胃。燒鰻魚和牛柳粒、燒翠瓜都好好食，燒物食多D會好值。外面都自助美食Bar ，D炸物好香口OK的，還有沙律自選，食得多肉又可以清下腸胃。甜品也吃得好多，奶凍、木糖布丁、馬卡龍、芝士蛋糕，想揀都有，重有雪糕…雖然不可同酒店甜品相比，但我都覺得好好食。