影片
更多
2021-06-01
99 浏览
Happy Friday 又出發覓食lu～ 觀塘區真係有好多好正嘅隱世好地方，今次俾呢間餐廳嘅壽司刺身加燒肉套餐吸引住！精選套餐二人前 $796 呢個套餐就勁了，total有6道菜式；沙律、刺身盛、壽司盛、日式燒肉、鍋物再加甜品😆超豐富啊！！香橙雞肉沙律 店員好貼心咁提醒我哋先撈勻再食🥰首先一食落去係甜甜地嘅橙味，再落就有完全唔苦嘅紫椰菜絲，再加雞肉，打左一個好好嘅頭🤣刺身盛😍第一眼係望到同我手掌一樣大嘅生蠔！第二眼就係肥美到爆嘅拖羅！！生蠔係廣島蠔，店主話個味偏淡小小，但我食完係覺得味道都好夠，有時反而太重味、或者有腥味嘅更加唔好。拖羅魚腩更加係入口即溶，油脂味爆曬出嚟😍另外螢光魷魚係時令，店員話就快完季節，要食嘅就要快啲嚟haha。壽司盛🍣個海膽壽司正到呢😍😍個海膽仲大塊過啲飯，omg 入口係濃濃嘅海膽味，而且一啲都唔腥，正到！！另外油甘魚同帶子都係食得出好新鮮！餐廳好窩心仲配左一個柚子啫喱，啫喱嘅味道比較酸，啱啱好可以令我哋冇咁飽滯，再食下面嘅燒肉大餐～～燒肉🐮有三種唔同嘅燒肉，而且係店員幫我哋燒，唔洗驚自己燒到老曬！分別係鹿兒島薩摩牛，佢比較高油脂，但都好有肉味，而且係胸腹嘅部
Happy Friday 又出發覓食lu～ 觀塘區真係有好多好正嘅隱世好地方，今次俾呢間餐廳嘅壽司刺身加燒肉套餐吸引住！
精選套餐二人前 $796
呢個套餐就勁了，total有6道菜式；沙律、刺身盛、壽司盛、日式燒肉、鍋物再加甜品😆超豐富啊！！
香橙雞肉沙律
店員好貼心咁提醒我哋先撈勻再食🥰首先一食落去係甜甜地嘅橙味，再落就有完全唔苦嘅紫椰菜絲，再加雞肉，打左一個好好嘅頭🤣
刺身盛😍
第一眼係望到同我手掌一樣大嘅生蠔！第二眼就係肥美到爆嘅拖羅！！生蠔係廣島蠔，店主話個味偏淡小小，但我食完係覺得味道都好夠，有時反而太重味、或者有腥味嘅更加唔好。拖羅魚腩更加係入口即溶，油脂味爆曬出嚟😍另外螢光魷魚係時令，店員話就快完季節，要食嘅就要快啲嚟haha。
壽司盛🍣
個海膽壽司正到呢😍😍個海膽仲大塊過啲飯，omg 入口係濃濃嘅海膽味，而且一啲都唔腥，正到！！另外油甘魚同帶子都係食得出好新鮮！餐廳好窩心仲配左一個柚子啫喱，啫喱嘅味道比較酸，啱啱好可以令我哋冇咁飽滯，再食下面嘅燒肉大餐～～
燒肉🐮
有三種唔同嘅燒肉，而且係店員幫我哋燒，唔洗驚自己燒到老曬！分別係鹿兒島薩摩牛，佢比較高油脂，但都好有肉味，而且係胸腹嘅部位，入口比較爽口。仲有牛小排同牛舌，肉味就更加濃、牛舌薄薄一片但都十分爽口。店員燒嘅時候都細心，見到煎pan油太多會抹走😝
鍋物🥘
係有澳洲產M9和牛同北海道豚肉嘅壽喜燒鍋物🫕望到啲和牛，見到佢哋個油脂分布好均勻，每塊都厚切，點埋蛋汁就更加和味～
最後仲有雪糕作結😻超級飽，大滿足！同埋其實套餐嘅食物可以根據客人嘅要求有所加減，例如唔想食鍋物嘅人，餐廳可以相對比多一啲刺身同壽司，好貼心。😼
张贴
