極尚大喜屋 (銅鑼灣廣場一期)

咁岩去開銅鑼灣整指甲，又想食日本野，但銅鑼灣閒閒地都要二、三百以上仲要食得唔多～～
咁岩又見到大喜屋係銅鑼灣有分店仲要有午市分題，仲要二百蚊左右，咁梗係去食啦～～
（我都係第一次一個人食日式放題）
好彩呢間分店係用WECHAT手機落單，勁方便，唔駛寫紙叫店員入單。
我一黎就點左一大堆刺身，有我最鍾意食的甜蝦同赤蝦刺身。
落左單無耐，就好快上檯～～
甜蝦刺身好甜，而赤蝦刺身好大隻又勁厚肉。其他刺身水準都不錯

刺身

刺身

再黎壽司，因為每件都細細舊，可以叫多幾款試下，款款水準都不錯。
最正係有海膽手卷任食，海膽味道唔腥，CP值都不錯

芒果魚籽花之戀，明太子吞拿魚繡球、三文魚花之戀

1

龍蝦膏玻璃蝦壽司，深海池魚王壽司

柚子胡椒汁燒左口魚壽司，海鹽燒海膽赤蝦壽司

海膽手卷

除左點餐外，仲有自助餐點，有我最愛的北京填鴨
仲要係即叫即切，唔係切定晒，好正！

北京填鴨

我仲試埋佢既原盅燉湯，都好足料下，味道都唔錯，有我平時食酒店BUFFET既水準

燉湯

呢個翠肉瓜串燒燒得好JUICY，好好味～～

牛油翠玉瓜串燒

最後我叫左牛肉湯烏冬同雪花牛肉鍋。
烏冬都幾彈牙，但牛肉同湯底我就鍾意雪花牛肉鍋多D。
食放題就有呢個好處，我將烏冬放入牛肉鍋就有呢個完美的組合
好正！

牛肉烏冬

牛肉烏冬

雪花牛肉鍋

原來一個人去食放題都幾正！