上勝日本料理 (昌隆工業大廈) (已搬遷) 新店位置

荔枝角一出D1出口就見到呢間裝修幾有日本居酒屋感覺嘅上勝，有幾吸引嘅刺身丼！親子四彩刺身丼（$78)有油甘魚、三文魚、帶子、魚籽。呢度用嘅係赤醋壽司飯，正名係「江戶前赤酢」，即係用黑醋而唔係平時見嘅白醋撈飯，亦唔係醬油撈飯。燒日本皇帝蟹棒（$28）丼飯份量唔算大，所以都點左兩款小食。呢個蟹棒係店長推介食物。鹽燒雞翼（$30）雞翼脆身，入面依然好嫩滑。呢度有正常枱，又有吧枱，吧枱每個位有個電腦開住YouTube，比大家一個人食飯時可以解悶。晚市自取做緊九折添。