Crazy Car Café (已結業)

之前喺荔枝角收工就去附近嘅商場行吓，見到有一間位於商場鋪頭入面嘅賽車餐廳，即刻睇吓入面有乜嘢玩同埋食。好彩有book到位，如果唔係Walk In就未必有位。入面環境好大，一邊係賽車場，一邊就係餐廳座位，餐廳以黑白色為主，佈置成賽車場嘅感覺，入型入格。首先去櫃檯攞Crazy Cart嘅賽車飛，緊記即刻要去劃位，如果唔係每一場就好快滿座了。賽車絕對安全，而且有工作人員教導點樣操作Crazy Cart，賽道都有幾個彎位，車輛容易操作，一口氣就玩左幾個圈，非常刺激啊！食物方面都有多款選擇，晚餐食物由六點至九點提供。小食方面叫咗瘋狂炸雞翼，賣相非常吸引，雞翼外皮炸到好香脆可口，食落去雞肉汁滲透晒出嚟，非常滋味。套餐方面叫咗咖喱厚切豬排飯，咖喱汁非常香，撈埋啲飯一齊食好正。另外豬扒肉質鮮嫩，爽口彈牙。最後配以凍檸茶爽爽胃。連埋玩賽車，兩個人食埋飯埋單都係＄300有找，每人平均消費都只係＄150。既刺激又可以享受咁豐富嘅美食，必定會再約埋三五知己一齊比賽之餘，更可以共進晚餐。