影片
更多
2010-07-13
16 浏览
見到大家講得咁特別, 就膽粗粗咁一條友過去挑戰下佢的辣度~初時真係唔知係邊度, 只係知係消防局隔離, 行到去原來就係之前改左好多酒樓ge 鱷魚恤中心~我1:45 去到, 門口仲見到有人排隊, 不過可能D人要返工, 等左10分鐘就入得law~(係門口有好多個餐牌, 可以睇住先, 選下要咩配菜,消磨下時間)入面全透明玻璃, 店仔細細, 但份外光猛,無壓迫感~枱凳都值得一讚, 兩人枱為主, 好似我咁一個人去就最好la, 你四個人咩, 兩張合體變四人枱, 再唔夠咩,三張六人...... 一pair pair 黎就即刻分柝上市~ Good!想坐得舒服d, 入面都有沙發的~好la, 講左咁耐, 最緊要梗係食la一打開個餐牌, 每一道菜都有圖的~正主菜當然係咖哩la, 加$ 可以另加配菜, 加$要set (湯,沙拉,甜品及餐飲) 又得~lee 間野彈性好大, 辣度可選, 飯量可選, set 都可選加$15(兩款),$20(三款), $25(四款)~ 我一心黎挑戰佢的辣度, 無奶油選唔辣的, 所以經我一番思量, 加少少縮沙,我決定選3號辣的咖哩炸豬排飯, 另加$15 set (和風紫菜湯, 凍咖啡)
初時真係唔知係邊度, 只係知係消防局隔離, 行到去原來就係之前改左好多酒樓ge 鱷魚恤中心~
我1:45 去到, 門口仲見到有人排隊, 不過可能D人要返工, 等左10分鐘就入得law~
(係門口有好多個餐牌, 可以睇住先, 選下要咩配菜,消磨下時間)
入面全透明玻璃, 店仔細細, 但份外光猛,無壓迫感~
枱凳都值得一讚, 兩人枱為主, 好似我咁一個人去就最好la, 你四個人咩, 兩張合體變四人枱, 再唔夠咩,三張六人...... 一pair pair 黎就即刻分柝上市~ Good!
想坐得舒服d, 入面都有沙發的~
好la, 講左咁耐, 最緊要梗係食la
一打開個餐牌, 每一道菜都有圖的~正
主菜當然係咖哩la, 加$ 可以另加配菜, 加$要set (湯,沙拉,甜品及餐飲) 又得~
lee 間野彈性好大, 辣度可選, 飯量可選, set 都可選加$15(兩款),$20(三款), $25(四款)~
我一心黎挑戰佢的辣度, 無奶油選唔辣的,
所以經我一番思量, 加少少縮沙,我決定選3號辣的咖哩炸豬排飯, 另加$15 set (和風紫菜湯, 凍咖啡)
(本來我想選吉列豬奄列咖哩飯的, 但無得選辣度><)
先黎一個湯==>和風紫菜湯
清湯, 味淡, 材料有菇,甜洋蔥,細粒豆腐, 紫菜, 仲有一條條我估係蘿蔔絲ge野~
味道純口, 無刺口的感覺, 唔似係味精湯~10分,我比5分
整體ok, 但對於我黎講實在太淡la
再黎主菜==>3號辣的咖哩炸豬排飯
一個大碟上面鋪滿咖哩, 蓋上白飯, 再放上切得岩岩好ge炸豬排~
先黎一口飯 ,飯的硬度岩岩好, 唔會浸左d 咖哩太爛, 亦都唔會太硬頂住個胃
個炸豬排夠鬆脆, 香口好味, 咬落去索索聲的~個咖哩辣到啪啪聲,竟然無比咖哩搶晒d味~
咖哩就夠晒多, 夠晒濃,鋪滿晒成隻碟, 每一口都可以食到~
辣度, 3號辣真係唔係講笑, 辣到我係咁鏢汗, 簡直辣到噴火
(一般人都係食1,2號辣好la, 不過如果有人陪我, 都可以挑戰下最辣的5號辣)
咖哩炸豬排,10分我比8 分~
另外飯的熱度剛好~讚, 用大碟裝到好多咖哩又唔會浸爛d 飯~讚, 有福神漬調下味~讚
員工靚女度不足,有待改善, 不過有d都幾可愛ge~
價錢都算貴, $65 咖哩炸豬排, +$15 set , 仲要加一 , 差唔多要一百蚊一個人,仲未計加下d配菜, 個set要多d 野等......
飽肚度就絕對夠, 我一個男人仔都食好多野嫁, 300g 飯都夠~ 女仔應該200g都夠, 仲可以減 $5. 反過黎要400g,加$10 , 500g加$20, 600g加$30, 有d 唔化算~
最後我發現原來間野就係apm隔離, 係apm遠遠就可以見到個CoCo壹番屋個招牌, 仲等我行左落去晒左一陣太陽再上番去添,真係把鬼~
张贴
