The Point - Pizza & Pasta (將軍澳中心) (已結業)

今次又去The point 享受美食，不過今次入咗將軍澳popcorn 商場，因為約咗西貢友為就一就佢，我決定入將軍澳，但入將軍澳都要食the point ，哈哈哈哈。現在正好lunch tea,可以叫set ,我哋叫咗2個餐，一個係pizza另一個係龍蝦芝士通粉套餐。先講pizza我哋叫了Pesto Chicken Pizza 6", size剛好每人2塊，薄餅批底鬆化脆口，不乾而且不會口，味道好好，比某連所薄餅店好食。龍蝦芝士通粉套餐，配有龍蝦湯，龍蝦肉很彈牙，湯濃很夠晒龍蝦味。至於賣相十分美麗，龍蝦芝士通粉用鐵板煎plan上擡，單睇賣相已經攞滿分啦～龍蝦肉優質， 通粉煙韌，每粒通粉都沾滿龍蝦汁，好香濃呀～再加上兩款小食，一個係黑松露焗芝士薯條及 棒棒單骨雞翼，兩款小食都係加24蚊，份量十足，味道也不錯。再加多一個Arugula & Pear Salad， 火箭菜非常多 沾滿了橄欖油及檸檬汁，食落十分醒胃， 梨子非常新鮮爽口，很喜歡。甜品就要咗個士多啤梨布甸果凍及朱古力泡芙， 甜品驚喜度不大， 略為遜色了一點， 其餘食物都非常優質，我們十分滿意。