影片
更多
2009-12-21
26 浏览
剛過去的星期六，在家中搞小型party，食厭連鎖餐廳到會，見openrice內lemon exchange的食評不錯，即管試試。叫左個8人份量狂熱派對套餐，共7個大人6個細路食 (但係我相信10個男人食都夠)。<<頭盤>>什錦串燒 (雞柳, 牛脷, 鴨胸, 帆立貝, 煙肉, 芝士磨菇) ＊＊＊＊＊ 五粒星；好味，就算凍左食都得，其中雞柳同芝士磨菇最好味，雞柳唔會太咸同太乾，芝士磨菇好香芝士味但唔漏 (開party強烈推介，用焗爐翻熱後成盤清哂，一件不漏)芝士火腿迷你牛角酥 ＊＊＊＊＊ 每個獨立包裝，普通細牛角包夾普通芝士火腿，但味道非常配合，細路至愛原隻燒大蝦 ＊＊＊ 一般燒雪藏蝦味道，不過不失 (因為要剝殼，唔係幾受歡迎，食剩好多)煙三文魚開面法包多士 ＊＊ 可能車程太遠 (中環去柴灣)，所以件多士韌到咬唔開，所以個個都係食左面果件煙三文魚，掉左件包 (如果係煙三文魚露筍卷就一流喇)<<沙律>>意大利風乾火腿蜜瓜沙律 ＊＊＊＊ 田園沙律底，沙律菜非常新鮮；火腿包蜜瓜一啖一件，味道OK，如此價錢，期望不高，所以無失望意大利
<<頭盤>>
什錦串燒 (雞柳, 牛脷, 鴨胸, 帆立貝, 煙肉, 芝士磨菇) ＊＊＊＊＊ 五粒星；好味，就算凍左食都得，其中雞柳同芝士磨菇最好味，雞柳唔會太咸同太乾，芝士磨菇好香芝士味但唔漏 (開party強烈推介，用焗爐翻熱後成盤清哂，一件不漏)
芝士火腿迷你牛角酥 ＊＊＊＊＊ 每個獨立包裝，普通細牛角包夾普通芝士火腿，但味道非常配合，細路至愛
原隻燒大蝦 ＊＊＊ 一般燒雪藏蝦味道，不過不失 (因為要剝殼，唔係幾受歡迎，食剩好多)
煙三文魚開面法包多士 ＊＊ 可能車程太遠 (中環去柴灣)，所以件多士韌到咬唔開，所以個個都係食左面果件煙三文魚，掉左件包 (如果係煙三文魚露筍卷就一流喇)
<<沙律>>
意大利風乾火腿蜜瓜沙律 ＊＊＊＊ 田園沙律底，沙律菜非常新鮮；火腿包蜜瓜一啖一件，味道OK，如此價錢，期望不高，所以無失望
意大利水牛芝士蕃茄沙律 ＊＊＊＊ 同係新鮮沙律菜底，蕃茄同芝士都好味，芝士份量都幾多，抵食
沙律無跟油醋或汁；不過屋企常備橄欖油同黑醋，所以無問題
<<主菜>>
原味牛扒漢堡包 ＊＊＊＊＊ 每個獨立包裝，漢堡飽夾黑椒牛肉漢堡扒加一片蕃茄一片生菜，件肉係手做漢堡扒，雖然送到黎已經凍哂，但係都幾好食 (有人覺得好辣，但我無辣不歡，所以覺得非常好味，建議唔食得辣最好先同店長傾傾走黑椒)
肉醬千層闊條麵 ＊＊＊＊＊ 芝士香、肉醬多，調味剛剛好，加少少辣椒仔，好好味，大人細路都鍾意
海蝦蜆肉意大利飯 ＊ 好難食；飯太淋又無味，直頭好似BB飯仔；蜆肉都幾多，但太腥；蝦因為要剝殼，怕煩無食到
地中海什菜意粉 ＊ 最難食；長途拔涉送到已經出哂水，意粉又係淋過baby food，斷開一截截，細路都唔吼；唯有淨食面頭D西蘭花同椰菜花......但又唔夠味......
<<甜品>>
鮮果沙律 ＊ 原本甜品係凍餅，但我地已經訂左聖誕蛋糕，所以將甜品轉做鮮果沙律；細路見到好開心，有西瓜、火龍果、士多啤梨等；原本5粒星滿分，但食到最後有媽咪發現個仔食緊粒發毛士多啤梨 (熟到爛)，大驚；唔知有幾多俾D細路食左，所以扣哂分
<<特飲>>
芒果Lassie ＊＊＊＊＊ 用塑膠大樽送黎，送到後自己倒係佢提供既膠杯；份量十足，倒滿自己屋企兩個1公升水樽都唔夠裝；味道容易入口，唔會太甜或太酸
=========
店舖服務 ＊＊＊＊＊ 滿分，非常交帶，要遲少少到(約20分鐘)都打電話通知；提供所需餐具，基本上乜都唔洗準備就可以開餐
食物賣相 ＊＊＊＊＊ 滿分，整齊乾淨
食物味道 ＊＊＊＊ 滿意，除左飯同意粉，可能因為大盆較難掌握品質，所以有改善空間；另外幾粒發毛士多啤梨就破壞左一盤鮮果沙律，有D可惜
總括黎講，食物味道偏淡，我個人比較喜歡；另外以咁既價錢有咁既份量同質素算係意料之外，所以黎緊公司萬歲會試下佢D下午茶，睇下份量少D同埋送同區會唔會好D。
下次再搞party都會揀佢，但係就會小心揀菜式，始終路程遠近對食物質素都好大影響，好多野始終都係熱D好食D，所以建議大家早少少叫，送到後焗一焗先上檯。
睇得出呢間小店係有誠意，希望店主吸收多D經驗後會做得更好，我會繼續支持。
张贴