板長壽司 (創紀之城五期) (已結業)

向來對板前信心都不大, 味道絕對ok, 但係其他配套實在太差.曾經試過0係銅鑼灣店等一碟軍艦等左半個鐘, 亦試過尖沙咀店全部水杯都又崩又裂, 師傅唔熟檯號亂咁擺低d野食又唔願幫我地換, 投訴後經理送左大學芋同雪糕補數, 雪糕入面竟然有膠片...最後打左個9折了事...信心徹底崩潰但係見板長賣點有d 唔同, presentation 亦比板前好, 決定比佢一次機會, 點知...去到大概等三十几張檯, 都ok, 而家一般既壽司鋪都係咁上下入去前都見到門口寫明左邊d 食品係無, 但係眼見自己想食既都有, 所以決定繼續等最尾今晚係"伯母"...無活赤貝, 無活晌螺, 無活北寄貝, 無燒油甘魚頭骹, 無象拔蚌, 無象拔蚌腹, 無燒貝柱, etc. 總之我每次落單, 佢都有至少一樣野話比我聽無.而以上呢張"伯母"名單, 只有活北寄貝同象拔蚌腹有show 0係門口0個張紙度...燒油甘魚頭骹更加係落單後發現無, 但係無侍應出聲話比我聽無, 係直至我出聲催佢既時候, 佢地先話比我聽今日無...好失望!! 勁失望...實在想問佢一句, 咁到底你地有咩食得? 無下次!我真係落去吉之島買中鳥水產仲高興...