鴻陞小食

到九龍城必食泰國菜😋😋
今天住屯門的朋友仔出來九龍區搵食聚會🍻，介紹出來九龍城必食的城南道鴻陞泰國菜館夠泰國地道口味，好味！我們叫了8個餸，生蝦夠鮮甜大隻，螄蚶夠新鮮，炭燒牛肉燒得好夠香，肉汁味美！炒金邊粉更加一定要試👍🏻😋，仲有冬陰功酸辣適中又多料，隻大頭蝦食過翻尋味，生菜包肉汁香甜，生菜入口脆嫩，黃咖喱炒蟹更加無得頂，蟹超新鮮，再加埋原個菠蘿炒飯，真係飽到攬住個肚！最後，緊係要嚟翻個芒果糯米飯，先至叫食過泰國菜啦！老闆娘好好人，仲免費請晒我地飲沙冰添😁