御石燒 (已結業)

冇諗過牛扒石燒原來係旺角都有得食，仲要係咁大眾化既價錢，真係幾意外。 如果唔係跟朋友黎食都唔知道。 黎之前都有上網睇下既，原來呢間御石燒係出名食吉列牛扒，睇落仲正過去食成塊扒晚西餐。我地坐底叫左2個餐：吉列牛扒同黑松露吉列牛扒。 黎到上枱真係每人一個石燒版自己燒，下面用白蠟燒住，都真係幾大火。店員叮囑左要用塊肥油比油同燒熱塊石版先，跟住就可以自己續塊牛扒燒。雖然大火，但都唔怕會燒燶啲牛，睇住牛扒係塊石版上吱吱聲咁燒熟，真係都幾療愈。 塊牛扒有啲吉列脆塊包住，食落都幾香口，但又唔會好油。而且佢地既牛扒肉質又算幾好，好稔身易入口。本來都怕有筋會硬，但又唔會，所以好好味。而黑松露吉列又有佢特別既香味，竟然又令牛扒有更特別既味道，真係唔簡單。而佢既配菜，紫菜飯，溫泉蛋都好好味。呢個餐真係好足料，好味。 最後忍唔全叫埋炸明太子雞翼同炸帶子，結果飽到咩咁。未食夠下次真係要再黎食過。