一茶詞 (已結業)

行完街就搭地鐵走，見到響B2出口（太子）旁有間叫‘一茶詞’個名好得意！就隨意點左杯人氣飲～烤棉花波波茶 ☕️～通常呢類飲品都只有凍，有熱既就岩曬我！烤棉花望落有點似旺旺小饅頭（那些年），食落都脆脆軟軟，仲有好香清茶味（選用台灣茶葉煮茶）！竹炭鮮奶烏龍，清新烏龍茶香，我叫左微糖，茶味更突出，用明治鮮奶最愛！必點小食 暖心芝士脆正，見住店員即煮芝士熱烘烘，加上三角脆帶有小小香辣，超滋味！環境佈置細細間店都幾別緻，仲有個高櫈打卡位霓虹燈牌、牆身仲掛滿色彩繽紛相片、擺放小植物！