炉端金 (已結業)

每次經過尖沙咀呢間日本菜都覺得裝修好別緻。原來而家做埋放題，比平時既放題好坐好多。刺身壽司當然唔少得，三文魚都幾肥美；赤蝦大大隻但唔算爽口，帶子赤貝等等水準就平均。仲跟人頭送長腳蟹腳添，肉質鮮味濃郁啖啖肉呢。天婦羅串燒炸物都有 ，吉列廣島蠔炸漿略為過厚。加$20仲有得食埋燒肉放題添。牛類、澳洲和牛、韓式牛肉、海鹽牛舌，豬有辛口豚肉、豬頸肉，其他有雞柳 。肉類質素就中中地啦，但加$20的確抵食，無理由唔加。最值回票價既係雪糕。Haagen Dazs有士多啤梨同曲奇味；仲有Movenpick既雲尼拿同朱古力。雪糕怪既你點食都回本啦係咪。