泰玖 (已結業)

早幾日同朋友去咗荃灣碌保齡球，碌完就四圍行下揾嘢食。本身都想食下泰國菜，又咁啱見到呢間新開嘅泰國餐廳，係門口見到入面裝修幾別緻就 入去試下。😍呢到裝修行工業風 又有啲泰國民族元素，第一次見咁樣嘅裝修風格，十分有新意。🤩一入到去就見到吧枱形式嘅座位，如果一個人嚟食，都唔怕搭枱尷尬啦！原來樓上仲有一層，空間仲幾大，人多嚟食嘅話都唔怕。😎泰式鮮蝦冬陰功湯 ($98)味道好正宗，鮮蝦新鮮，湯汁夠辣夠酸，非常開胃。😗泰式香辣肉碎炒飯 ($108)肉碎炒飯夠香夠辣，香料味都好夠，好正宗，就好似係泰國到食嘅一樣。🤤🤤泰式明爐桂花魚 ($158)魚肉嫩滑，味道鮮美，又夠醬香，非常好食。用左好多唔同香料去調味，好入味香口，出色！魚都大條，抵食👍🏻泰式馬拉盞炒通菜 ($78)通菜炒得恰到好處，唔會太軟又唔爛，馬拉盞味道香濃，加上啲蒜茸，好開胃。👍🏻今次揀呢間餐廳真係冇揀錯啦！唔單止食物質素好高，好多選擇，而且員工服務態度都十分好，上菜速度又啱啱好，環境乾淨又企理。下次一定會再去食！🥰