茶房別天神

营业中

休息中

前一陣為灣仔《別天神》撰文時發現，他們在太古康怡廣場的 Aeon 百貨公司內，開了一間與別不同的分店，名叫《茶房別天神》。好明顯，這一家《茶房別天神》不單只是拉麵店咁簡單啦。該日，剛好要來太古辦點事，便想起來這兒，試下《別天神》的非拉麵出品。 去開的《別天神》，都是小小店。Aeon 百貨內的《茶房別天神》，就係一個好典型的日式百貨公司食堂。餐廳同百貨店是同一體，但擁有獨立的小空間，感覺舒服，行完商場入來食個餐再戰，係幾好架。 我認識的《別天神》是一間拉麵店。來到，好自然會想起食拉麵。不過，坐在餐檯上，翻了幾翻 menu。停一停，諗一諗。點解唔食下平時在拉麵店不會提供的食品。於是，我點了一個咖喱海鮮飯。咖喱海鮮飯，可以就是材料豐富。有原隻的蟹鉗，有好多隻蝦，無數的蜆肉，單是配料已經足夠美味，配合一個帶甜的濃郁咖喱汁，少少辣，以甜為主，感覺不錯。 跟餐有一個簡單的特飲，我點了一個凍的荔枝抹茶。甜與澀之間得到了一個 balance。不過飲飲下，感覺其實像台式果茶的出品，不理了，好飲及夠消暑便可。 以日式咖喱飯來說，《茶房別天神》給我的感覺是好食的。別有洞天的《茶房別天神》，我同樣可以俾個讚。