影片
更多
2017-06-05
96 浏览
係朋友介紹下，去左葵興呢頭試一間半自助餐。我一向唔太熟悉工廠區既食肆，但見佢有讚冇彈，就跟左佢去試。門口裝潢都幾吸引店內環境都舒適佢叫半自助餐既原因係，坐低後有幾個set 比你點，呢啲係定量既野食，冇得任點，而其他刺身、甜品、飲品等就任拎唔嬲。見佢啲set 既價錢其實差唔多，咁就叫左個貴小小既。到野食部分！！！「勤奮如牛」呢個牛非常驚喜，燒熱鐵板後，上面放滿牛小扒，店員好貼心提我地，鐵板好熱，小心燙傷手，仲叫我地趁熱燒熟啲牛，避免牛過老，同埋鐵板凍左。牛小扒上枱時本身已經有啲醬汁，我仲同朋友講，個汁會唔會太稀，原來佢預左個汁既水份係鐵板上蒸發。等啲肉燒熟後，佢個汁係岩岩好包裹住每一片肉，一啲都唔會稀。個汁係微甜，肉好嫩滑，完全冇筋，每一片都係入口即融。份量唔少，每人都食到八至十片。建議燒肉果陣連埋洋蔥一齊炒炒佢，咁食落個層次會豐富啲。「如魚得水」罐頭鮑魚食得多，偽新鮮鮑都食唔少，但呢只卻係真材實料！鮑魚本身就冇乜味，牡丹雖好，都要綠葉扶持，醬汁不可或缺。呢個汁主要有提鮮既作用，味道唔太濃，冇喧賓奪主，兩者互相輝映，調到鮑魚既味。鮑魚切開軟軟的，有小小嚼勁，但唔韌。每一小口鮑，蘸一下醬汁
門口裝潢都幾吸引
店內環境都舒適
佢叫半自助餐既原因係，坐低後有幾個set 比你點，呢啲係定量既野食，冇得任點，而其他刺身、甜品、飲品等就任拎唔嬲。見佢啲set 既價錢其實差唔多，咁就叫左個貴小小既。
到野食部分！！！
北海道洋蔥堂煎小牛扒
7 浏览
0 赞好
0 留言
「勤奮如牛」
呢個牛非常驚喜，燒熱鐵板後，上面放滿牛小扒，店員好貼心提我地，鐵板好熱，小心燙傷手，仲叫我地趁熱燒熟啲牛，避免牛過老，同埋鐵板凍左。牛小扒上枱時本身已經有啲醬汁，我仲同朋友講，個汁會唔會太稀，原來佢預左個汁既水份係鐵板上蒸發。等啲肉燒熟後，佢個汁係岩岩好包裹住每一片肉，一啲都唔會稀。個汁係微甜，肉好嫩滑，完全冇筋，每一片都係入口即融。份量唔少，每人都食到八至十片。建議燒肉果陣連埋洋蔥一齊炒炒佢，咁食落個層次會豐富啲。
磯燒南非六頭鮑魚
11 浏览
0 赞好
0 留言
「如魚得水」
罐頭鮑魚食得多，偽新鮮鮑都食唔少，但呢只卻係真材實料！鮑魚本身就冇乜味，牡丹雖好，都要綠葉扶持，醬汁不可或缺。呢個汁主要有提鮮既作用，味道唔太濃，冇喧賓奪主，兩者互相輝映，調到鮑魚既味。鮑魚切開軟軟的，有小小嚼勁，但唔韌。每一小口鮑，蘸一下醬汁，相得益彰。
刺身拼盤
5 浏览
0 赞好
0 留言
「五味雜陳」
刺身拼盤係成餐飯不能不提既美食，餐廳毫不吝嗇，呢點我係非常欣賞！整板海膽連刺身上，可以話淨係海膽已經值回票價。大頭蝦非常鮮甜，肉厚，冇腥味，真係冇得頂！如果嫌刺身拼盤唔夠喉，可以出去刺身櫃度拎，會有店員負責幫客人切。
自家製粥品
14 浏览
0 赞好
0 留言
用來放粥的安格斯牛肉片
26 浏览
0 赞好
0 留言
「自由發揮」
我覺得呢個可能係自助餐鮮有既特色。有啲店鋪都會提供火鍋，等啲客人多項選擇，但普遍黎講湯底都只係沙嗲、豬骨，但用白粥做湯底似乎少見，所以話係特色都當之無愧。因為我好鐘意食南瓜，所以決定整翻個南瓜粥。所有火鍋配料都可以係出面既自助吧到夾，呢一鍋係根據個人偏好而整成既，雖然冇落任何貴價材料，但都好好味，照分享下比大家啦。材料得三種，有金菇、蟹柳、南瓜，煮既時候記住要一路搞，如果掛住食其他野唔記得搞，就好易痴底同埋煲燶。
芝士包
7 浏览
0 赞好
0 留言
韓式三文魚飯
9 浏览
0 赞好
0 留言
芝士焗波士頓龍蝦
16 浏览
0 赞好
0 留言
「錦鏽滙聚」
個set 仲有其他好野食，全部都係跟餐的。除左主食甜品吧果度都有唔少野食，豆腐花、班朗尼、班戟，連焦糖燉蛋都有，種類繁多，食哂正餐，一定一定要食甜品食返夠本！
最後想講既係，店員全都好親切，唔止係有求必應，而係有求即應！串燒吧既店員係你等緊野食果陣亦會主動同顧客侃侃而談，又笑容可掬，對顧客既態度非常友善，值得一讚！鋪店內又會播音樂，係廣東歌！而家已經好少食肆會播吳雨霏、Supper moment 呢啲，環境真心正！
张贴
