串串燒 by Season (已結業)

行過彌敦道見到個串燒招牌，無啦啦串燒癮起，就落去試試😚店舖都唔細，但係枱凳都唔少，都同隔離都比較近😳食物方面都好抵吓，大概$9串🤑而呢度仲$68十串揀三款，呢樣剔啲，呢樣試啲，就不知不覺就咗唔少了😋😋串燒同大陸嗰啲好似，都係孜然味為主，再加少少辣🌶好野味，強烈推薦食雞翼丶雞軟骨丶豬頸肉，雞翼外脆內嫩，燒得啱啱好，好味👍🏻雞軟骨大大粒，有啲雞脂肪，好香又脆口😚豬頸肉好juicy，一咬啲汁爆哂出黎，豬味亦都好香，除此之外，牛油粟米同蒜蓉金針菇都係正，牛油香粟米甜，而個蒜蓉烤得唔錯，加埋金菇真係一絕👍🏻👍🏻P.S 呢度雖然係地下舖，但冷氣好夠凍，唔駛驚熱同焗🥵