稻埕飯店 (V Point) (已結業)

最近轉左去銅鑼灣返工，發現登龍街呢頭簡直係美食聯合國，超級多選擇！真係可以日日都食唔同既餐廳，星期一至日都幫你解決曬食咩既煩惱，今晚我就黎左V point 既稻埕食晚餐！見到餐牌有啲4人套餐之類，入面包左好多唔同款嘅菜式！不過我地人少少又細食，所以就散叫左幾個精緻既菜式！蟹肉蛋白泡泡脆米湯白色既蛋白波波幾吸睛，打得好鬆軟好似疏乎厘，幾有空氣感！個湯類似南瓜湯，啖啖蟹肉和其他海鮮材料，十分足料和鮮甜！仲有D飯焦脆米夾雜，軟中帶脆，我幾中意個湯。黑松露鮮百合花呢個顛覆咗我對百合花既感覺，由細到大我都唔識百合花，但係佢做出嚟嘅配搭係我哋點咁多樣餸最好食既！佢整到好似薯溶甘，鮮百合花柔合在裡面，仲有好香嘅牛油味同啖啖黑松露味好滿足又飽肚。鐵板香煎一口鵝肝牛小排一口鵝肝牛小排，牛小排煎得肉嫩多汁，而鵝肝好creamy香濃！一口一件很美味，好正!黑糖珍珠奶蓋呢個估唔到沖得好好飲，飲得出係真材實料打出嚟嘅奶蓋，味道香濃之餘非常堅挺！加埋杯底下嘅黑糖珍珠同奶茶一齊飲，又滑又香！氣球小女孩呢杯雞尾酒打卡一流，首先上枱個下會打一個bubble出黎，跟住篤穿佢之後有一陣煙，店員會再放一塊發光（冰？），令到個