影片
更多
2009-12-12
9 浏览
又係無啦啦即興.. 幾個麻甩有飯局.. 一如以往.. 麻甩組合, 多數會揀細細間小菜館. 可以多肉少菜, 好食最緊要, 衛生環境放埋一邊...繼灣仔金源, 天后發記之後, 今次選址... 大坑民聲.上定開飯網, 做左少少功課. 所以心目中已經鎖定兩, 三款... 最後叫左...1) 咸蛋肉餅2) 口水雞3) 豉汁蒸盲曹4) 鮑汁生菜5) 帶子蒸豆腐6) 咸蛋肉餅 (係呀, 四個麻甩佬喎?! 當然唔夠, 臨尾要叫多一個) 咸蛋肉餅率先上場. 好評如潮... 一大埋咁.. 上面放左一個大咸蛋黃... 驚訝嘅係... 大家都冇即時搶食... 當然唔係禮儀問題... 而係... 白飯仲未到呀!! 四條仔就係等四個"靚仔". 是日涼風陣陣, 坐街邊... 一位兄台突然抱怨咁話.. 一大堆肉餅, 得個望字, 一生最痛苦嘅事, 莫過於此. 過多一陣, 終於黎到... 大半碗飯已經奉獻左俾碟肉餅. 肉味濃 亦很鬆軟, 肥豬肉一定功不可沒. 所以後來要起碼.口水雞 同 鮑汁生菜 跟住上.. 口水雞一如各位所言... 雖然少了一般口水雞那種麻辣, 不過酸酸甜甜很搶眼. 配合得好. 味濃, 不需用絕頂靚雞,
繼灣仔金源, 天后發記之後, 今次選址... 大坑民聲.
上定開飯網, 做左少少功課. 所以心目中已經鎖定兩, 三款... 最後叫左...
1) 咸蛋肉餅
2) 口水雞
3) 豉汁蒸盲曹
4) 鮑汁生菜
5) 帶子蒸豆腐
6) 咸蛋肉餅 (係呀, 四個麻甩佬喎?! 當然唔夠, 臨尾要叫多一個)
咸蛋肉餅率先上場. 好評如潮... 一大埋咁.. 上面放左一個大咸蛋黃... 驚訝嘅係... 大家都冇即時搶食... 當然唔係禮儀問題... 而係... 白飯仲未到呀!! 四條仔就係等四個"靚仔". 是日涼風陣陣, 坐街邊... 一位兄台突然抱怨咁話.. 一大堆肉餅, 得個望字, 一生最痛苦嘅事, 莫過於此. 過多一陣, 終於黎到... 大半碗飯已經奉獻左俾碟肉餅. 肉味濃 亦很鬆軟, 肥豬肉一定功不可沒. 所以後來要起碼.
口水雞 同 鮑汁生菜 跟住上.. 口水雞一如各位所言... 雖然少了一般口水雞那種麻辣, 不過酸酸甜甜很搶眼. 配合得好. 味濃, 不需用絕頂靚雞, 已經叫好叫座. 本身諗唔到食乜野菜, 落單阿哥話 鮑汁生菜 啦... 好~ 就試下啦... 呢個就... 相當麻麻地喇.. 鮑汁非鮑汁, 我寧願要淨蠔油都唔要冇鮑汁味嘅鮑汁... 今次.. 純粹當食生菜.. 清清腸胃吧
帶子蒸豆腐, 豆腐夠滑, 帶子薄薄一片, 似有若無...沒有為整碟菜式增添滋味. 不過就咁豉汁蒸豆腐已夠好吃... 又一送飯良品.
最後, 豉汁蒸盲曹到埋. 豉汁比一般略甜不太咸, 不送飯也可. 魚有一斤多, 肉厚, 但依然蒸得剛剛好. 選'盲曹'主要少細骨.. 啖啖肉..
總共6個小菜, 7個白飯. 一百個大洋~
佢有幾別不同... 因為佢都唔係冰室.. 哈哈.. 小菜館黎架嘛~
p.s. 想要keep住d 食客成日黎幫襯. 可能要諗多一兩樣新菜式. 尤其係食小菜, 都係多d 有得揀先過癮.
张贴