悅火 (已結業)

今日同老公黎左食悅火既廚師發辦，之前都食過香港其他幾間，呢間係食得最滿意既，每道菜都睇得出店家既用心同誠意，食材好優質之餘份量都多🥢今次食既前菜係白麵豉螢光魷魚，魷魚好新鮮，唔難咀嚼，同白麵豉既組合相當新穎🦑12貫壽司包括左赤身、中拖羅、池魚、金目鯛、帶子、北寄貝等等既時令海鮮，全部都好新鮮唔腥，而且壽司飯調味亦都好好🍣海膽魚子迷你丼都非常正，海膽同魚子都好甘甜，一軟一脆既口感非常豐富🍚其實仲有好多，例如蒸蛋、甜品、湯等等冇仔細講，但係都好足料，以香港呢個價位黎講性價比相當高，服務同環境都好唔錯👍🏻