美心西餅 (沙田站)

营业中

休息中

今日下午我們喺沙田新城市廣場食完下午茶之後，去咗沙田站嘅「美心西餅」買咗個蛋糕去探一個親友！我們買咗今期推介嘅蜜瓜迷你蛋糕，喺個店員將個蛋糕包裝前諗著影張相先，點知一睇就發現店員「偷龍轉鳳」，攞咗個唔係我們揀嘅，而且唔算好新鮮嘅畀我們，之後我們即刻話要返我們揀嘅畀我們！好彩我們要求攞出嚟影相，如果唔係就畀店員換咗另一個！蛋糕嘅頂層係擺放咗幾件蜜瓜果肉，廣告話蜜瓜係用美國·澳洲優質蜜瓜，所以味道都幾清甜，另外仲有閃閃嘅銀粒舖喺軟滑嘅忌廉上面，切開一半就會見到有幾層軟綿綿嘅海綿蛋糕，中間夾著有切得比較薄同比較細粒嘅新鮮蜜瓜粒，但份量唔算係好多，主要係蜜瓜啫喱粒比較多，而且味道係淡而無味，唔係好多覺有蜜瓜嘅味道，呢點係令我們覺得比較失望！