岩石牛扒屋 (已結業)

今個星期六去開屯門上堂，夜晚就諗住順便食埋晚飯。呢間岩石牛扒屋係青柏徑行行下無意中發現。一直都想試下石板燒肉，見到menu既價錢都唔費就去試一試。佢既裝修比人溫馨感覺，店面有燈飾點綴，坐得都幾舒服。我地兩個人叫左2個set。首先，set都係包括餐湯同沙律。餐湯係忌廉蜆肉湯，沙律味道都唔錯，蘋果配埋胡麻醬幾特別。而前菜方面，分別叫左泰色生蝦同明太子雞翼。泰色生蝦好新鮮，配埋特製辣醬好開胃。明太子雞翼都幾大隻，略嫌重味，配野飲或啤酒一流。主菜我當然叫左岩石燒牛柳、另外驚唔飽，叫左蜆肉炒意粉。意粉估唔到好入味，充滿蒜香同鑊氣，份量都唔少。而重頭戲牛柳都好大塊，佢本身都預熱左石板，我地想熟d就切開繼續燒一陣，食落好juicy仲要好香牛肉味。而且伴菜都唔馬虎，有薯蓉、南瓜，翠肉瓜同西蘭花，夠曬誠意。飲品就叫左水蜜桃梳打同龍鳳檸曲。味道調得剛好唔會過甜，而龍鳳檸曲其實就係檸樂，好懷舊既味道。食咁多埋單總共只係二百幾，真係大件夾抵食，下次想帶朋友再去食。