孖沙茶餐廳 (已結業)

冇諗過今日去上環食lunch，平平哋都可以食到好好味嘅人氣「三眼仔飯」。「三眼仔飯」，又名為暗然銷魂飯，簡單啲來講就係叉燒煎蛋飯。因為面頭嘅煎蛋有三隻蛋黃，所以好多人都叫佢三眼仔。落單嘅時候，店員都同我地講要等一陣。呢個飯大概要等10分鐘，一嚟到嘅時候我哋都好興奮。煎蛋下面有好多好多嘅叉燒，每一舊叉燒都好嫩滑，肥瘦適中，超級香口。吉開雞蛋黃，仲可以有蛋漿送飯，而且面頭諗左好多豉油，係一個超級邪惡又好好食嘅碟頭飯！