好一鍋海鮮火鍋專門店 (已結業)

今晚我們喺旺角做完嘢之後去咗瓊華中心嗰度睇吓有咩好食？喺眾多間之中我們揀咗去「好一鍋海鮮火鍋專門店」食火鍋放題！可能當時嘅時間比較早，所以仲剩除好多位！一開始店員就攞咗個自助調味醬盤畀我們揀選我們想要嘅醬料，香蔥、蒜蓉同辣椒絲都好新鮮，唔會好似擺放咗好耐咁變到乾晒，而且處理得好乾淨衛生！至於湯底我們就揀咗木瓜魚尾湯鍋，湯底嘅係奶白色㗎，而且湯料嘅木瓜同雪耳都幾多，所以味道好清甜同感覺好滋潤！手切肥牛嘅肉質好軟滑，牛肉味亦幾濃郁，但就略嫌其中一碟嘅脂肪比較多！白鱔片嘅質感非常爽滑彈牙，但就略嫌切得比較薄身！生猛海蝦都算幾大隻，肉質相當爽甜彈牙！其他火鍋材料同蔬菜都相當新鮮，而且清洗得好乾淨衛生！