譚仔雲南米線 (富東廣場)

营业中

休息中

第一次用譚仔會員apps 去到即刻有姐姐帶位入座 在講咗有會員後還快就拎咗張連檯號QR code來，介面簡單明瞭 有咩優惠都會即時展示出來，以前都係食開湖南酸辣湯底 今次就試咗重慶酸辣湯底 大家都係酸辣但真心好唔同，重慶酸辣湯底係醋酸味，鍾意食醋嘅值得一試！之後嗌咗土匪雞翼，四川青椒皮蛋！ 個人唔鍾意啲雞翼咁腍，但味道都有水準，而四川青椒皮蛋，一如既往咁好食，重點係佢啲汁香辣適中，加上辣青椒，令到皮蛋更加有惹味！因為青椒係粒狀，唔會黐住皮蛋令唔鍾意青椒嘅人都可以食！