趣意廚 (順景華庭)

营业中

休息中

下午茶時候,同朋友途經此區,見倒間鋪頭裝修好特別,原來係咖啡室。人流唔算多,都驚中伏,就膽粗粗衝入去試下佢口莊啦［利申］👅。入到去坐低見倒是日午餐,價錢又唔貴,試下佢地既招牌肉醬繪意粉+餐飲熱咖啡($38)同埋日式咖哩雞焗飯配烤雞+餐飲熱咖啡($48)。落單等候8-10分鐘左右就已經有得食。最欣賞A餐有滿滿既肉醬最容易滿足我喱啲鐘意多醬既人。薄餅大細適中,原來今日佢地既是日薄餅係菠蘿火腿,本人覺得佢地既薄餅比起某大連鎖集團公司更好食,值得一讚👍🏼C餐日式咖哩雞焗飯甜甜地,又有紅蘿蔔薯仔,又唔會太濟。烤雞都係甜甜地,估唔到可以鎖住啲肉汁,［不過略嫌鹹左少少］都可以接受既。餐廳播放住英文歌同少量韓文歌,有懷舊又有新潮既音樂夾集,品嘗杯咖啡更寫意。略嫌人流少既時候音樂太大聲,變得好嘈吵,破壞氣氛,美中不足。整體表現都令人滿意。