616牛肉火鍋專門店 (大同新邨) (已結業)

第一次食616嘅午餐，都係第一次幫襯大角咀店，人流唔算多，得兩三枱客，而我哋係大約午後兩點入座。獨樂樂小火鍋 (麻辣湯)$78依個係鮮牛油麻辣湯底，肉類揀咗俄羅斯封門柳，主食係公仔麵。食辣啲人切勿錯過，湯底辣過譚仔小辣，非常野味可口，配公仔麵係絕配，不過辣味太重太油，蓋過其他配料同埋牛肉嘅鮮味。獨樂樂小火鍋(青花椒) $78呢個係青花椒辣湯湯底，肉類揀咗牛駝峰，主食係手打烏冬。平時夜晚會覺得個湯底辣好多，因為表面會有好多青花椒浮下浮下，但係中午嘅湯底就冇左青花椒係面。一開始個湯得清甜味，後尾滾滾下都岀味嘅。牛駝峰肉質嫩滑，好有牛味，手打烏冬都幾彈牙。雖然我都鍾意食辣，但係兩個湯對比之下，就鍾意青花椒湯底多啲，冇咁油膩，而且食到啲菜嘅鮮甜。ps.唔知係因為午一餐嘅原因，定係咩原因，我覺得之前食過嘅其他分店都比較好食，而家就遜色少少。