影片
更多
2019-07-03
56 浏览
深井燒鵝就聽得多，食就未試過！今日同男朋友搭錯車黎到深井，就一嘗深井燒鵝啦！ 就選擇了較為它店 - 陳記燒鵝 ！ 陳記招牌燒鵝有咩可能唔叫燒鵝，兩個人記叫左碟例牌燒鵝，黎到熱騰騰，仲有特制醬汁，酸酸甜甜又幾特別，同坊間既醬汁有好大既分別，鮮味好多。燒鵝肥瘦適中，唔會話有邊一舊有好多脂肪，肥既比例係岩岩好，帶出肉既甘香又唔會食到太膩。層皮燒得都好到位，好香兼賣相吸引，時不時點下特製酸梅汁，酸酸甜甜都好和味。蒜蓉白菜仔蒜蓉味夠出，同時白菜仔夠淋甜，配蒜蓉食都幾開胃，而且大大碟，食多啲蔬果對身體好！蒜蓉粉絲蒸開邊蝦碟上放左好多蒜蓉，令到每隻蝦肉都吸引哂蒜蓉既味道，蝦似好彈牙同鮮甜，配上粉絲口感更加豐富，加上粉絲吸收哂蒜蓉、蝦既味道，可以話係精華，粉絲好多，令人好滿足！整體黎講性價比好高，價錢比出面大排檔要略低，但份量夠曬多，味道亦都有水準。仲有想推仲冬瓜盅，可惜賣哂，見到隔離枱係相當吸引，加上現時夏天，好想食！下次要再黎食過
陳記招牌燒鵝
有咩可能唔叫燒鵝，兩個人記叫左碟例牌燒鵝，黎到熱騰騰，仲有特制醬汁，酸酸甜甜又幾特別，同坊間既醬汁有好大既分別，鮮味好多。
燒鵝肥瘦適中，唔會話有邊一舊有好多脂肪，肥既比例係岩岩好，帶出肉既甘香又唔會食到太膩。層皮燒得都好到位，好香兼賣相吸引，時不時點下特製酸梅汁，酸酸甜甜都好和味。
蒜蓉白菜仔
蒜蓉味夠出，同時白菜仔夠淋甜，配蒜蓉食都幾開胃，而且大大碟，食多啲蔬果對身體好！
蒜蓉粉絲蒸開邊蝦
碟上放左好多蒜蓉，令到每隻蝦肉都吸引哂蒜蓉既味道，蝦似好彈牙同鮮甜，配上粉絲口感更加豐富，加上粉絲吸收哂蒜蓉、蝦既味道，可以話係精華，粉絲好多，令人好滿足！
整體黎講性價比好高，價錢比出面大排檔要略低，但份量夠曬多，味道亦都有水準。仲有想推仲冬瓜盅，可惜賣哂，見到隔離枱係相當吸引，加上現時夏天，好想食！下次要再黎食過
张贴
