米線陣 (已結業)

過左個冬天，整個人俾脂肪包住曬，行兩步路都覺得辛苦！於是就開始返放工去跑步運動下！運動完最開心就係去食嘢啦！因為想食light 啲，就去試下新嘢-米線陣啦！！顧名思意，米線就係主打，另外仲有啲小食！我地叫左店家推介嘅特盛米線同玩命米線！特盛，個碗真係勁大個，可以放得落我成個頭！不過其實量係正常，唔算特別多！由於大頭唔食得太辣，只係要左清湯，另有酸辣同麻辣可選！除左大碗，啲料都好 多，有安格斯牛肉片，腩肉，雞翼，芝心丸同金菇！我只係試左粒芝心丸，不太ok,係有芝味嘅，不過無咩咬口而且無流心囉！到我碗玩命米線，有大中小辣可選！怕瀨嘢所以試下小辣先！！隨米線有一小碗黃辣椒醬！先飲啖湯，咦！清湯！再睇落好似好小意思，為安全見，先試一小啖個 醬！嘩！個醬睇落無咩嘢，一食，好鬼辣囉！！！其實成碗粉應該玩命在當你以為無咩嘢一嘢倒曬啲醬落去嘅時候，咁就瀨左嘢啦！！！！好在我有試下先，最後成 碗醬，我只係落左十分一就啱啱好，辣辣地又未去到食唔到！除左呢樣之外，入面啲料都係玩命元素之一，全碗面以不同嘅菇類(金菇，秀珍菇，鮮冬菇，真姫菇) 拼埋安格斯牛肉片，當啲菇吸收左啲辣湯，真係唔可以睇小！食辣嘢一定要有