老西安 (已結業)

第一次食西安菜，估唔到有少少驚喜！店舖唔算特別顯眼，平時見到都未必會入去。店內環境細，座位唔多。店內有個開放式廚房可以見到師傅不斷搓麵糰同拉扯麵條，好有趣。❤️油潑手工扯麵 $54呢款係撈麵，無湯咖！麵條好有咬口，又闊又厚又韌又彈牙，係我鐘意食嘅口感！加埋佢哋自家製辣椒油，辣得嚟又香，少少後勁，唔算太辣。仲有紅蘿蔔絲、青瓜絲同魯肉碎比你解下辣。雖然眼見份量唔多，初頭以為會食唔飽，最後結果飽到食淨少少😝好食度：⭐️⭐️⭐️(3/5)餐廳推薦度：⭐️⭐️⭐️(3/5)鐘意食辣又未試過扯麵嘅朋友必試！扯麵口感新奇，一試上癮！😋