Med Chef (已結業)

去尖沙咀唔知食咩嘅時候都會黎厚福街😂，有各式各樣嘅選擇，今次黎試吓呢間以CBD為主題嘅餐廳！菜單主打多國菜，選擇不算特別多，我哋首先叫咗個鐵板青咖喱安吉拉雞卷，幾特別同好惹味，而且口感好豐富。Main叫咗牛扒配柚子燒汁伴黑醋蜜抱子甘藍同白菜花蓉。叫咗五分熟，煎得岩岩好，雖然牛味不算特別濃，但肉質幾鮮嫩。朋友一坐低就話要叫嘅西班牙油炸鬼配雲呢拿雪糕，外脆內軟，份量再多啲就好啦！🥲飲品方面，我哋叫咗士多啤梨乳酪沙冰同蘋果白茶梳打，相較之下，前者比較好飲，不會太甜。