影片
更多
2021-08-06
84 浏览
暑假仲忙過返工一定係好多家長既寫照，全職媽媽無大假放就放自己幾個鐘假回下氣，簡單食餐飯都好好，今次去左厚福街既Med Chef, 一入門紫藍色既燈光已經覺得好迷幻，原來餐廳仲有一樣野令客人愉快地放鬆，就係近年好Hit既CBD 大麻二酚。聽到大麻可能覺得好驚訝，但無野嚇到我既，早幾年前我已經有用CBD成份既產品黎治療小朋友皮膚濕疹，只要份量用得岩，佢絕對係一種好野黎。少量添加喺食物內，就會令大腦產生放鬆和愉悅既情緒，香港人壓力大，真係要比自己短暫放鬆下，如果你已經夠relax唔想添加😂，同店員講就得架啦，好隨意既。🌮芒果莎莎吉烈虎蝦墨西哥薄餅薄餅仲係熱辣辣，蝦炸得惹味唔油膩，蕃茄莎莎微辣，加埋千島醬&小草苗點綴，配搭得好好，芒果粒清新岩夏天食。🍟香烤海鮮白醬啤酒薯角薯角面層是香濃海鮮白汁，仲有唔少八爪魚同魷魚，配搭都幾特別，有別平時薯角食法，而且唔會太鹹或太creamy, 薯角仲保留到少少脆，入口粉糯。🐟蒲燒鰻魚玉子炒洋薏米洋薏米平時煮糖水多，用來當飯食都係第一次。原來口感好Q彈，真係幾特別。原條鰻魚份量十足，肉質結實唔會一夾即爛，新鮮肥美，食完好飽肚好滿足。🍝日式芥末忌廉香煎廣島號闊條
聽到大麻可能覺得好驚訝，但無野嚇到我既，早幾年前我已經有用CBD成份既產品黎治療小朋友皮膚濕疹，只要份量用得岩，佢絕對係一種好野黎。少量添加喺食物內，就會令大腦產生放鬆和愉悅既情緒，香港人壓力大，真係要比自己短暫放鬆下，如果你已經夠relax唔想添加😂，同店員講就得架啦，好隨意既。
🌮芒果莎莎吉烈虎蝦墨西哥薄餅
薄餅仲係熱辣辣，蝦炸得惹味唔油膩，蕃茄莎莎微辣，加埋千島醬&小草苗點綴，配搭得好好，芒果粒清新岩夏天食。
🍟香烤海鮮白醬啤酒薯角
薯角面層是香濃海鮮白汁，仲有唔少八爪魚同魷魚，配搭都幾特別，有別平時薯角食法，而且唔會太鹹或太creamy, 薯角仲保留到少少脆，入口粉糯。
🐟蒲燒鰻魚玉子炒洋薏米
洋薏米平時煮糖水多，用來當飯食都係第一次。原來口感好Q彈，真係幾特別。原條鰻魚份量十足，肉質結實唔會一夾即爛，新鮮肥美，食完好飽肚好滿足。
🍝日式芥末忌廉香煎廣島號闊條麵
比想像中creamy好多，不過麵條就似扁意粉多於濶條麵，但都無所謂，掛汁後一樣好味。大大隻廣島蠔都好飽滿鮮甜，整體唔錯。
🍓士多啤梨乳酪沙冰
CBD signatures 之一，粉紅色夠晒少女味，就咁飲都完全飲唔出加左大麻成份。打得幼滑，好香甜既士多啤梨味，不過略嫌細杯左啲。
🍹熱情果柚子伯爵茶梳打
無添加CBD, 又係偏細杯，口味相對清新，尤其食相對濃味既食物，冰涼又解膩。
小店雖稱唔上靚景餐廳，但晚飯時間旋即full house, 除了人人都想感受「輕鬆」一刻，食物味道同質素都真心唔差，難怪咁多捧場客。
张贴
