吉列牛忌廉烏冬專門店 (彌敦道) (已結業)

來到呢間韓國餐廳，當然要試一試佢哋嘅招牌菜，烏冬同吉列牛。吉列牛定食 $148吉列牛上枱只有兩成熟，最牛附上石板燒，生熟度就自行調教，每邊大約燒15秒就全熟啦，肉質唔錯，都算軟淋，就算全熟都唔會韌，牛肉本身有調味，唔洗點醬，已經好夠味，送飯食一流。咖哩忌廉烏冬(雞肉) $78賣相好特別，表面部一層滿綿綿密密嘅忌廉泡沫，下面係咖哩味烏冬，感覺似日式咖哩，微微帶點辣，烏冬口感好煙韌，每一條都掛滿咖哩汁，還有一粒粒小雞丁同蘑菇，忌廉令到成碗烏冬好滑，同增加左飽肚感。牛油蜜糖單骨雞翼 $65熱辣辣即叫即做，甜甜的帶點香蒜味，但牛油味唔算突出， 而且雞翼醃得唔算太入味， 主要靠醬汁調味，雞肉炸得岩岩好，都算嫩滑，單骨方便食，一碟有大約有10件，值得一試。