影片
更多
2020-10-03
335 浏览
明明喺旺角食完晏無耐，但見到小食又變得毫無抵禦能力，加上身邊條友係惡魔。我本身只係問佢有無食過「阿里郎熱狗棒」，點知佢就話快啲食啦😈。估唔到平日下午都有咁多美女幫襯(包括我)😛，呢度主要做外賣嘅，但都叫做有少少位置可以俾你即食。不過啱啱食完嘢，同埋舖頭好多人，最終我哋係買走。熱狗棒🌭️有多款選擇，其實唔太知有乜分別。餐牌主要張貼喺收銀處上面，有少少難睇，特別對於我呢類有近視嘅人🤓🤣。我同朋友隨機揀，點知大家都情繫薯仔🥔，叫咗有薯粒喺出面嘅款式。熱狗棒即叫即炸，超級熱辣辣，原來正宗食法係會加砂糖，咁就梗係加啦。兩條熱狗棒外型係孖仔，所以要肢解後先分到佢哋。薯條鴛鴦芝腸熱狗棒($38)，呢條即係有薯仔＋水牛芝士＋腸，組合唔錯，食落係超飽的🙈。芝薯拉絲熱狗棒($34)，呢條即係有薯仔＋水牛芝士，但原來無腸...，真係要睇清晰個Menu。不過呢條嘅拉絲效果確係勁好多🧀。除咗熱狗外，小店仲有年糕麻糬賣🍡，一共有十四款口味，每件承惠$20，全部都係made in韓國濟洲。留意番，唔食住記得雪入冰櫃！我哋要咗烏梅柑橘🍊同牛奶🥛，後者味道大路好多，正正常常嘅好食，估唔到都有薄薄一層紅豆。前者無論外型定味
明明喺旺角食完晏無耐，但見到小食又變得毫無抵禦能力，加上身邊條友係惡魔。我本身只係問佢有無食過「阿里郎熱狗棒」，點知佢就話快啲食啦😈。
估唔到平日下午都有咁多美女幫襯(包括我)😛，呢度主要做外賣嘅，但都叫做有少少位置可以俾你即食。不過啱啱食完嘢，同埋舖頭好多人，最終我哋係買走。
熱狗棒🌭️有多款選擇，其實唔太知有乜分別。餐牌主要張貼喺收銀處上面，有少少難睇，特別對於我呢類有近視嘅人🤓🤣。
我同朋友隨機揀，點知大家都情繫薯仔🥔，叫咗有薯粒喺出面嘅款式。熱狗棒即叫即炸，超級熱辣辣，原來正宗食法係會加砂糖，咁就梗係加啦。兩條熱狗棒外型係孖仔，所以要肢解後先分到佢哋。
薯條鴛鴦芝腸熱狗棒($38)，呢條即係有薯仔＋水牛芝士＋腸，組合唔錯，食落係超飽的🙈。
芝薯拉絲熱狗棒($34)，呢條即係有薯仔＋水牛芝士，但原來無腸...，真係要睇清晰個Menu。不過呢條嘅拉絲效果確係勁好多🧀。
除咗熱狗外，小店仲有年糕麻糬賣🍡，一共有十四款口味，每件承惠$20，全部都係made in韓國濟洲。留意番，唔食住記得雪入冰櫃！
我哋要咗烏梅柑橘🍊同牛奶🥛，後者味道大路好多，正正常常嘅好食，估唔到都有薄薄一層紅豆。前者無論外型定味道都好特別，我無預期過年糕入面真係有完整一個柑橘果肉囉，外面係紫啡色，好少見，但梅味唔算太出。
總括嚟講，呢次係我初嚐韓式大熱熱狗棒🇰🇷，我唔會話佢係小食囉，因為如果食哂一條都應該可以當午餐🤤。後尾睇清楚先知小店仲有多士同魚餅嗰啲賣，經過嘅可以一試啊，反正而家無得去韓國唯有喺香港食住熱狗棒FF下啦～！
张贴
