影片
更多
2022-12-23
89 浏览
同老公撐枱腳，揀咗觀塘人氣日式餐廳，位於商厦一樓，旺中帶靜感覺好舒服呀！打開餐牌，超多選擇，而且價錢唔貴，壽司、刺身、卷物、丼飯、串燒、海鮮、豚牛羊、鵝肝 樣樣都想食😳日本直達三點刺身盛 $188魚生真係非常新鮮，每件都好厚切，最愛金目鯛，今日第一次食就愛上，魚味香甜濃郁，肥而不油膩好好食。本身鍾意食油甘魚，今次變咗亞軍，鍾意佢肉質細膩甜美！最後係深海池魚，佢肉質比較細緻爽脆，味道清甜。什錦天婦羅 $78炸蝦🍤3件、炸番薯🍠南瓜🎃秋葵、茄子🍆軟殼蟹天婦羅（1隻）$58呢度啲炸物 炸得香脆可口之餘，粉漿都好薄，唔會食到成口粉。一隻蟹有4到5件，鍾意食蟹嘅我就好滿足啦！天龍卷（4件）$98呢個卷物造型好靚，中間捲着啲蝦肉，外面包住三文魚輕輕燒熟，仲有啲魚子，醬汁微辣醒胃，個蝦頭炸咗放喺前邊擺到成條龍咁！三文魚頭連鮫 $68魚鮫比較多肉大份，而且肉質香滑。呢個價錢喺一田熟食部都買唔到🤭焦糖燒菠蘿 🍍$28濃濃嘅菠蘿味 燒得好香甜喔 必食。蒜香牛舌 $68係侍應推介，都好抵食，牛舌夠林冇騷味。有啲什菇、洋蔥、紅蘿蔔絲，燒汁甜甜地幾惹味。其實仲有好多嘢想食🥹🥹但已經超飽，下次再嚟食串燒、玉子、壽
日本直達三點刺身盛 $188
魚生真係非常新鮮，每件都好厚切，最愛金目鯛，今日第一次食就愛上，魚味香甜濃郁，肥而不油膩好好食。
本身鍾意食油甘魚，今次變咗亞軍，鍾意佢肉質細膩甜美！
最後係深海池魚，佢肉質比較細緻爽脆，味道清甜。
什錦天婦羅 $78
炸蝦🍤3件、炸番薯🍠南瓜🎃秋葵、茄子🍆
軟殼蟹天婦羅（1隻）$58呢度啲炸物 炸得香脆可口之餘，粉漿都好薄，唔會食到成口粉。一隻蟹有4到5件，鍾意食蟹嘅我就好滿足啦！
天龍卷（4件）$98
呢個卷物造型好靚，中間捲着啲蝦肉，外面包住三文魚輕輕燒熟，仲有啲魚子，醬汁微辣醒胃，個蝦頭炸咗放喺前邊擺到成條龍咁！
三文魚頭連鮫 $68
魚鮫比較多肉大份，而且肉質香滑。呢個價錢喺一田熟食部都買唔到🤭
焦糖燒菠蘿 🍍$28
濃濃嘅菠蘿味 燒得好香甜喔 必食。
蒜香牛舌 $68
係侍應推介，都好抵食，牛舌夠林冇騷味。有啲什菇、洋蔥、紅蘿蔔絲，燒汁甜甜地幾惹味。
其實仲有好多嘢想食🥹🥹但已經超飽，下次再嚟食串燒、玉子、壽司、丼飯⋯⋯
张贴
