竜王居酒屋 (已結業)

行完山超肚餓走咗去北角，貪呢到多餐廳多選擇，見到上網有人推介依間居酒屋就去試試😛首先一入去就覺得個格局都幾似日式居酒屋，但又好闊落，裝修同餐具都幾有心思近廚房個邊有張長bar枱，應該就係serve omakase既客人🤔食物方面刺身沙律：本身都唔期待，諗住只係食沙律開下胃，點知佢嘅刺身份量好多，重點仲要有吞拿魚腩！食極都仲有🤣第一次食熟成刺身，原來熟成魚既魚味比一般既刺身更加濃郁甘香🤤👍🏻真係好有驚喜👍🏻燒物：燒雞翼好出色，皮脆肉嫩，醃得剛剛好，唔會過咸，燒青椒仔都好fresh，好爽脆！炙燒壽司：左口魚同三文魚永遠燒完都無得輸，油香十足。🥰打卡重點—龍王卷：見個個都嗌呢樣我都忍唔住嗌埋一份🤣首先個擺盤真係好有心思，真係一隻龍船嚟，成個菜式好適合打卡😝佢個卷物唔係得個靚字，用料十足，炸蝦卷上面仲加埋吞拿魚蓉，三文魚籽同蟹籽，而且留意到佢嘅飯粒唔係用一般白飯，係用赤醋飯，靚之餘仲比一般白飯更香！🤤👍🏻好多時居酒屋類型，即使喺日本，食物，特別係壽司嘅質素都會一般般，但估唔到依間餐廳都好有心機準備食物，就算唔係坐bar枱都比到我有種omakase質素嘅感覺！