清真牛肉館 (龍崗道) (已結業)

眾所周知，九龍城美食云集，今次就喺云云餐廳中，揀咗「清真牛肉館」初嚐清真菜式。門面望落比較樸實，但仔細一看都可以睇到好多報章報導同名人合照，睇嚟真係值得一試！我們一行四個人，所以可以嗌嘅菜式都比較多，可以試多d唔同嘅美食。1. 招牌牛肉餅本來覺得20蚊一個其實係有d貴，但食落去發現佢餅皮薄餡鮮，酥香而煙韌。而牛肉內餡超juicy，餡料都好足，絕對物有所值，難怪平均每日賣出超過1,000個！溫提食嘅時候小心熱，同埋小心漏汗喔2. 蔥油餅呢個係我由細到大都鐘意食嘅嘢，所以嚟到呢度我更加要試試！蔥油餅上面d蔥分布好均勻，而且香蔥味濃，皮薄脆口。3. 咖哩牛腩比起椰汁味較重嘅泰式咖哩，呢度嘅咖哩更香濃，更添一份辣味。牛肉燉得好入味，加上不可欠缺嘅薯仔，加埋一齊非常好送飯。同時可以將蔥油餅沾d咖哩汁，就試到不一樣嘅風味。4. 高力豆沙頂層灑滿糖霜，入口鬆軟有彈性，有綿綿嘅口感。豆沙都唔算好甜，而且唔膩，食咗成個都冇咩罪惡感